عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ياهلا بالقمرات عملت جلاش بالجمبرى طلع تحفة وينفع فى العزومات كطبق جانبى
المقادير:
جمبرى
علبة جلاش
فلفل رومى- بصل – عصير ليمون – جنزبيل – صلصة طماطم ثوم مفروم
تتبيلة الجمبرى ( ملح&فلفل &بربيكا&كمون&كركم&زيت زيتون)
جبنة موازريلا – زيتون مخلل
اول حاجة نحضر الجمبرى
ونتبلة من بالليل بالتتبيلة دى ( ملح&فلفل &بربيكا&كمون&كركم&زيت زيتون)
نحمر البصل والفلفل الرومى ثم اضيفى الثوم والزنجبيل
ثم اضيفى الجمبرى المنظف والمتبل من الليل ثم قلبى الجمبرى دقيقه ثم اضيفى الطماطم وقليل ملح
وبعد مرور خمس دقائق اضيفى عصير الليمون وننتظر حتى ينشف ميته وطفى النار
وبكده الحشو بيكون جهز
نيجى للجلاش
ندهن صينية مربعة زبدة ونرص طبقات الجلاش راء راء وبين كل طبقة ندهن زبدة بالفرشة خفيف عشان يطلع مورق
وبعد ما نخلص نص كمية الجلاش نحط الجمبرى والجبنة الموتزريلا وزيتون اخضر وبعدين نكمل رص باقى الجلاش
واتبقى بعض الزيتون والجبنة قطعت عليهم حتت طماطم صغيرة وحطيتهم على وش الصينية
ومعلش نسيت اصورها قبل دخولها الفرن فتطلعتها وهى نص سوا عشان اصورها مخصوص 
وده شكلها النهائى
اتمنى تعجبكم وبالهنا والشفا
