عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركـــاته
اللهم لك الحمد حتى ترضى ولكـ الحمد أذ رضيت ولك الحمد بعد الرضا
الحمدالله بجد على اللي وصلنا له الحمدالله ايام او شهووور قضيناها بحلوها وبمرها وبتعبها وبحزنها وبفرحها..سبحان الله كنهااا يوم او يومين
صراحه والله ماكان ودي ازعلكم او تاخذون بخاطركم مني خصوصا يوم اقول اخر موعد لنا بتاريخ 29/7
انا قلت هالكلام لان خفت بعضكم خلاص ماعاد يبي يكمل وبعضكم وقف رجيم واكتفى..
عشان كذا انا قلت بقى ان شاء الله شهرين او ثلاثه باقي الكيلوات اللي لي بكملها لوحدي وراح اكمل مشواري وطبعاً مع شهوور اللي راح اثبت فيها وزني الآخير ان شاء الله
لكن اكتشفت اغلبكم انصدم واللي تضايق واللي بكى..
وانا والله مالومكم لان الشهور اللي قضيناها ماهي بسهله نتفارق ابد مهما كان وغير كذا انا كنت مفكره نجتمع في اي موضوع اي شي لكن ماحد عجبه هالفكره..
وعشان كذا غيرت رايي وقلت دام فيه مين راح يكمل وفيه من محتاج مساعده والدعم خصوصا اللي بينا مثل ماقلت لكم راح نجدد القروب بشهر 1/7
وهذا اليوووم ينفتح تجمعنا الرابع مشاء الله ولاحول ولاقوه الا بالله
ربي يتمم علينا ياررب
ومااارح احدد لكم الى اي شهر او الى اي يووم
الين ماتجيون لي وتقولون ياطيبه يلا قفلي وطفشنااا منك ههههههههههههههه
عمومااا يالغالياااات والله عارفه شعووركم ماودكم نقاطع بعض ولا انا ودي اقاطعكم بعد..
وحياااكم وكل وحده تدخل برجلها اليمنى
نظامنااا يالغاليات نفس الاول ماتغير
الأكل نبتعد عن الدهون ونقلل النشويات قد مانقدر.. ونبتعد عن الحلويات والاشياء اللي تسمن..
ويومنا المفتووح هو يوم الجمعه أن شاء اللهـ
ونمشي سااعتين
الساعه الاولى راح تكون على السير الكهربائي
والساعه الثانيه نمشيها مشي عادي عشان نستغل الوقت ولا نتعب أنفسنا اكثرر
ولاتنسوون اهم شي والله يجزيكم كل خير
صيام الأثنين والخميس >>>كفايه ترفع الاعمال بهاليومين وانتي صايمه شي عظيم…
وبس
وآخير
ياخواتي لاتنسون بعضكم بدعااااء خصوصا بظهر الغيب كفايه تدعين لأي انسان الملائكه ترد عليك ولكِ بالمثل
وانا مارح انساكم من دعاائي
واسئل الله العلي العظيم ان ينحفناا من غير شر ويمد علينا بالصحه والعــافيه اللهم آمين
والحمدالله والصلاه على سيدنا محمد عليه افضل الصلاه والتسليم..
