عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله هذا الجزء الاول من القصة
http://satfrequencies.com/girls/showthread.php?t=493882
نجي للجزء الثاني ::: طبعا اطفالي كبرو لكن مو كثير وصارت اعمارهم:
1-الولد عمرو 4سنوات :14_6_12[1
2-البنت الأولى عمرها2 سنة:067:
3-البنت الثانية عمرها سنة وحدة:019:
وطبعا حالتي حــــــــــــــــالة معــــــــــــــــــاهم:ghjghj:واكثر الاوقات ابكي منهم وزوجي يهدئ علي يقولي احمدي الله غيرك يتمنى يخلف اطفال,,الحمد لله على كل حال.وطبعا كآآبتي للان ماراحت ,,اني صغيرة وورايا 3اطفال اعمارهم ورا بعض ودراستي فشووش
وحاليا بأكمل دراستي بساعات قليلة حاليا,,وبإذن الله اضفت مواد للفصل الدراسي الجاي بمعدل 17ساعة ((قسم أحياء)) يعني أكون متغيبة من 7صباحا حتى 2الظهر
واذا رجعت الظهر أتغدى وأنام وأصحى على مذاكرة الاختبارات اليومية ورسومات العملي…:3_3_3v.
طبعا كانت عندي شغالة فيزا جاوية ,,حسبي الله عليها,,(( يشهد الله على كل كلمة اقولها,)),,من يوم جات اكرمتها واعاملها بالطيب واللي تبغاه وتتصل على اندونيسيا من جوالي الخاص وعلى حسابي وحساب زوجي وانا اقول يابنت عشان خاطر أطفالك ,,عشان تنتبهلهم,
,واالللله العظيم اللي تبغاه اجيبه ولا عندي الصراخ والحرمان والحبسة والله اني لما اجيب اكل من برة اسألها اش تبغي سندوتش دجاج او لحم,,,واقولها اش ناقص مقاضي تقولي مدام :ابغى فلفل واجيبلها وتقولي مدام: ابغى سومطرة حقت الاكل الجاوي واجيب,,قالتلي ابغى ارسل فلوس وارسلتلها حتى 5شهور ,, وجاتني يوم تقول ابغى جــــــــــــــــــــــــوااااااااااااااال,:091:,, قلتلها لا عاد لهنا انا اللي تبغيه سويته اش تبغي اكثر من كده قالت بس اتطمن على اهلي ,,قلتلها :طيب خلي جوالي معاكي واتصلي على اهلك باندونيسيا واشتريتلها بطايق شحن على حسابي وجيت اشييك على الارقام والقاها متصلة على شغالة موجودة في مدينتنا ,,قلتلها معد تتصلي على احد وانتي قلتي بس ابغى اندونيسيا عشان كده اعطيتك الجوال,,المهم قالت طيب :fdse:,,واشيك وراها الجوال مااحصل ارقام ,,قلت الحمد لله ,,((أترى انها تتصل من تلفون البيت ومشويته حراااج لكل الجولات رغم اني اشيك اخر رقم القى نفس اللي تركته ,,واكتشفت من فاتورة البيت لما صدرت )).
وفهمتها لو شغالات العمرة خربو راسك وتشردي ترى تتبهدلي ,,انا مو منقصة عليكي شي قالت ولا يهمك انا مرتاحة معاكم,,وقالتلي كلام مرة يطمن ,,وتقول انتو من حقكم تخافو علي ومن حقكم ماتجيبولي جوال….
المهم انا طبعا اذا طلعت مشوار واترك البنات معاها لازم اترك مفتاح الشقة أخاف على بناتي لاسمح الله يصير شي بالشقة ومايقدرو يخرجو,,لكن اقفل على غرفة نومي,,المهم ويوم عودة الدراسة بعد الحج وكنت نايمة واصحى ولا ألقــــــــــــــــــــاهـــــــــــــــــــا
انصدمت منها وكانت جداجداجدا طيبة وتشيل اطفالي على راسها وتبوسهم وتدلعهم ,,حتى لو اضربهم اذا جننوني تشيلهم عني,,اانصدمت انها شـــــــــــــــــــــردت,,,,,,,معقول كل سبل الراحة هذه وعشان جوال تكلم به صاحباتها اللي بنفس المدينة تشرد ,,أنا ماحرمتها من اهلها,,المهم طلعت انها اكبر ممثلة وخداعة ,,وخلصت 7شهور فقط,,,
الحمد لله ماتركتلي بناتي وفتحت الباب وخرجت رغم انو المفتاح بيدها,,لا ماشاء الله ,,خلتني نايمة وطلعت عشان تضمن انه الاطفال معايا,,,الحمد لله راحت بخيرها وشرها,,,,وتوووووبة خلاص كرهت الاندنوسيات كره العمى,,الله لايحوجني لهم.
المشكلة اللي محتارة فيها سبق ونزلتها بموضوع بقسم الموارد البشرية وهي كالتالي حأسوي لها قص ولصق عشان تكونو متفهمين الوضع من اول لأخر,,:0143:
أنا طالبة جامعية وعندي 3 أطفال اعمارهم سنة وسنتين واربعة سنوات,,,, ومضطرة استقدم خادمة,ماعندي أحد ينتبه لأطفالي في غيابي لأن أمي مدرسة وأم زوجي متوفية الله يرحمها واختي مع زوجها ببعثة الله يوفقها,وماعندي غيرالرحمن الذي عينه لاتنام يحفظ أطفالي من كل سوء,,,,,,,, ,,وأريد مشورتكم,,, بين الخادمة السيرلانكية والخادمة الكينية……..
ايهم افضل بالنسبة لظروفي السابقة,,,,,؟؟؟؟؟
وسؤال ثاني محيرني كثيــــــــــــــــــر,,,,
هل استقدم مربية أو خادمة,((مربية لاتغني عن تربيتي واهتمامي بهم كأم ,, مجرد لقب لمن تهتم بأطفالي في غيابي فقط بدون أعمال منزلية))) ,,لأني اظل من الصباح حتى الظهر بالجامعة وقسمي صعب كله عملي,, واعز ماعندي اطفالي اني اتركهم مع خادمة أو مع مربية؟؟؟
وأتمنى الجواب عاجلا لأحسم أمري,,,,ولكل من ترد او ترفع موضوعي بدعوة لها مني دعوة بظهر الغيب ,,,,,
جزاكن الله خير وجعله في ميزان حسناتكن.
طيب اش رايكم استقدم مربية:7_13_5 لأطفالي نظرا لظروف دراستي واخاف اترك اولادي مع شغالة,, وصعب اصحيهم من صبح الله وألبسهم وأوديهم حضانة حرررام صغار ينامو ,,,,وارجع ارجعهم الظهر من الحضانة ,,ولا جيت انام الظهر بيكونو على راس الشغالة ,,
أو استقدم شغالة :3_2_8:واجيب وحدة تمسك اطفالي في غيابي من حقون العمرة أو الافريقيات او هندية يعني تكون مو بفيزا تكون بالشهر تمسك الاطفال فقط ,,و شغالة الفيزا تكون للبيت.
والحمد لله رب العالمين ان زوجي:df: متفهم لوجود اثنين في البيت يساعدوني ((مربية وشغالة))الحمد لله يارب على الاقل على ما اخلص دراستي الجامعية((صرت مخلل بالجامعة)),,والله ماقصر ,,انه غايب لكن ملائكته حاضرة,الله يجزاه كل خير ويحفظه لنا ..
الان اش تنصحوني به؟؟؟؟؟؟؟؟؟؟؟
سوري يمكن موضوعي طويل جدا لكن هذه قصة حياتي :058:واتمنى القى الرد والمشورة منكم,,,وجزاكم الله خير.
