التكيس وزيادة الوزن

كيفكم ياأحلى فراشات
بدخل بالموضوع على طول 😛

أنا في البدايه كنت فرحانه بجسمي بشكل كبير لانه ماشاء الله كان أجمل جسم بالعائله وهذا
بشهادة افراد عائلتي كلهم <<< طبعاً البنات والحريم الكبار 😆 🙂
عمري ماشلت هم رجيم ولا سعرات حراريه ولا لف ودواره بالسوق 4 ساعات لين ألاقي شي
على مقاسي
ولكن حدث مالم يكن بالحسبان وهاجمني مرض تكيس المبايض 😐
وخلال شهرين زاد وزني 30 كيلو 😛
الكل أنصدم وقالوا مستحيييل تكون هذي فلانه اللي الكل يضرب المثل بجمال جسمها
وربي جتني حاله نفسيه وماعاد اطلع من البيت ولا أحب أشوف أحد أو يزورني أحد
ومن بعدها كل ماله وزني ويزيد وانا مو عارفه ايش اسوي 😆 hy:
وخايفه إذا تميت كذا أوصل لدرجه اني ماأقدر أوقف من الثقل

ملاحظه : أكلي خفيف مره ومو راعيت شكولاته أو حلويات

حاولت أسوي رجيمات كثيره لكن بدون فاااايده
وزني ينزل بصعوبه وبعدين يرجع يطلع بسرعه. والله نفسيتي تعبت حيل ومو عارفه ايش اسوي

ابغى أعرف الحين اللي يطلع وزنها بسبب تكيس المبايض تقدر تنزل وزنها بسهوله أو لازم تستخدم ادويه
معينه ؟؟
أنا سمعت في علاج ينباع بالصيدليه يساعد اللي عندها تكيس ان وزنها ينقص هذا الكلام صح وإلا
مجرد حكي فاضي 😡