عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
..
كيفكم صبـــايا ان شاء الله بخــير
بصراحه مدري من وين ابدا لان سالفتي مطووووله…الله يعينكم على ثقل دمي
لاني مقدر اختصرها بكلمتين وما عندي خواات من عمري افضفض لهم فقلت في بااالي يمكن فراااشاتي عندهم حل الله يسعدكم..
نجي لصلب الموضوووع….
لما بدت الاجاااازه توفى خالي الله يرحمه – خالي وخالتي يكون اخوان امي من ابوها – ووقتها بنجهز لزواج خااالتي لان زواجها يكون في نهاية الشهر الجاي… فلما توفى خالي قلنا اكيد الزواج راح يتأجل الا العريس رفض وقال لا … الزواج مثل ماهو ماتأجل استغربنا وقالوا خوالي خلاص مافي تأجيل الزوااج نهاية الشهر… فقالت خالتي العرووس ليه كــــذا خلاص حتى زفـــه في الزواااج ماراح انــــزف عشان المرحوووم كانت مررره تعزه….
وانا السنه هذه تخـــــــررجت ونفسي اني اسوي تخــــرج وكنت متفقه انا وبنت خالة امي من ايام الدراسه انه راااح يكون في الاجازه
فلما توفى خااالي قلنا نأجله بعد العزى.. فقررنا انه يكون قبل زواااج خالتي بأربع ايـــــااااام تـــــخيلوااا لما عرفت جدتي – تكون لامي زوجة ابوها الثانيه لان جدتي ام امي متوفيه – انو انابسوي تخــــرج زعلت وقالت لا الحي ابقى من الميت واحنا بالعافيه بنسوي زواااج اختك ما نبي طقطقه ولا ولا….
فقلت لامي شكل خالاتي ما هم جاااين قالت بكيفهم…. لان وقت العزى صارت مشكله بين خالي شقيق امي واخوانهم من ابووهم وتخيلووووا طردوووه من بيت ابوووه
فقلنا لخاالي اني بسوي تخرررج قال سوووا وماعليكم منهم عشان كذا امي قااالت بكيفهم
ولما جـــا التخـــرج ووقت فرحتي االلي من زمان انتظرها بجمعتهم مــــاحد جا منهم لا خالاتي ولا جدتي بس الحمد الله الله عوضني ببنات خالة امي والناس يسألووا امي فين اخواااتك.. فقالت لهم يقوولوا محزنين لسه اخويا ماكمل شهر…
فالناس يقوولوا كـــــيف محزنين وهم يبـــون يسوون زوااااج بعد اربع ايااام قــالت امـــي مـــدري عنهم… وبعدين طنشنااهم ولاارسلنا لهم عشاء
فجـــا وقت الزواااج وتعالي شوووفي الكشخه والمكيااج والحنه واللبس… واقول لامي مايقوولوا انهم محزنين ليه الكشخه قاالت شكلهم محزنين بس عالتخـــرج اللي سويتيه والحييين فـــك الحزن
حتى خاالتي العروووس تنقشت وخالاتي ولا كأنه صاير شئ
ورحنا القصر والدقااقه تدق وتقوول ايش فيكم محد يرقـــص ومحد رد عليها
ولما جاء وقت الزفه وانا استـــغرب واشووف العروووس تنـــزف واقوووول في بااالي وين اللي زعلانه وتقووول ماراح انزف في زوااااجي
يعني شئ ينااقض بعضه
الحين صـــااار اللي صـــااار بس الحين انتوا احكموووووا مين اللي غلطاان انا والا هـــم
لان هالسااالفه هي الفاكهه المره بالاجازه هذه وعكرت علي تفكيري كل ما اجيب طاااريهم
حتى العيد عيدنا عندهم وماكأنهم اهلنا كأننا طباااين…
ولا بعد خالتي الثاانيه ملكت الاسبوع هذا وانا لا اتصلت عليها ولا باركت لها ما تستاهل
وانا من النووع اللي اذا صاارلي موقف عمري مانساه….وتقريبا العلاقه الان بيني وبينهم شبه مقطوووعه
ذبحني التفكيــــر ماني قادره استوعب اللي صاار اهلنا يسوووا فينا كذا… صدق من قال الاقارب عقارب…
الله يعيننا على هالهمووم احس اني كبرت وانا بعز شبابي من المشاااكل….. يارب الفرج من عندك ياارحم الراحمين
