عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة
يابنات انا كتبت هالموضوع عشان افيدكم وخاصة بنات الرياض والا انا الحمد لله تزوجت وعندي بنوتة تهبل مثل القمر عمرها 9 شهور وانا متزوجة لي سنة ونص انا حبيت احط هالموضوع واذكر فية تفاصيل حفلتي بالكامل وابي كل وحدة تدخل تقول تفاصيل حفلتها نفس طريقة سردي للتفاصيل عشان الكل يستفيد حتى لو ما انتهى زواجك اذكري الأشياء اللي سويتيها يمكن غيرك ماسوها يستفيد ويدعيلك بحياة سعيدة يارب يلة انا ابدا وعساني اذكر ومثل ماقلت نفس طريقة سردي للحوار ➡
اولا انا تم زواجي بقاعة درة الليالي للأفراح سعرها كان بالصيف حوالي 30 الف ريال صراحة نظيفة ومجددة وتبينها طاولات وكراسي او كنبات انا حطيتها طاولات وكراسي طبعا الزفة تجي علة درج وبلكونة يعني نص بلكونة وبعدين انا حطيت الممر رفيع عشان ما اطيح هههههههههههههههههههههه ابد لازق بأخر درجة الزفة تاخد حوالي 15 دقيقة فيها او عشر دقابق المهم انا سويت كوشتي عند بارتي ستار نجمة الحفل وكان شريطي من عند واحد على حسابة الشخصي وسجلة بالبحرين بس صوتة مميز وموووووووووت وتراة اخو الفنان نايف البدر طبعا مسكتي سويتها عند بارتي ستار بعد
الطقاقة فرقة جيتـــــارا الفنانة مرام ترى فية اختها سارة وهم توأم يعني يقدرون يلعبون عليكم بس مرام احلى صوت واخذتها مع الدرامز ب 8 الاف ريال على فكرة الديجي من القاعة مجاني الطقاقات يجون تسع وهم شوية شايفين انفسهم تبون تسمعون اصواتهم ادخلو موقع الحــــــــــان دوروا عليهم
كوافيرتي كانت مدام كوثر تخليك قمة بالجاذبية والروعه والنعومة لأقصى درجة((( ماتكثر سبري)))
طبعا الشوكلا نوعت جبت اربع صواني من شكولاين واربع من حلويات جوي
التموووووووووووور والشعبيات من درة الصالحية والمعموووووووووووول
الفطاير من محلات الهدلق صراحة كانو هذيك الفترة هم المشهورين بحركات خطيرة مسوين صينية الفطاير على شكل قدر وفية الفطاير جواتة وشكل ثاني على شكل سلة طبعا كلة بالعجين طالة خرااااااااااااااافي هذي جبت ستة صواني وترى جبت صبابات ومباشرات من مركز بشائر لأني ما حطيت على الطاولات الا الديكورات حقات الزفة وموية وصراحة لبسهم يجنن تبين لبس رسمي حق شيوخ او بدل دسكوووووووووو او بدل قرسونات طبعا انا سويت حركة تجنن بزواجي جبت سلأت صغار كبر كف اليد شريتها من السويلم طلعتلي بسعر الجملة حوالي ريال وربع حطيت فيها مكسرات مع الشاي ورطتها بتل صراحة ما كلفتني شي هالحركة وكانت روعه وكانت توزيها بطريقة تجنن بحيث اللي يوزعون المباشرات حاطين السلات فوق روسهم زي حقات القديمات وفيها السلات
بعدين نجي للعصير جبتة من رنوووووووووووش اسعارة تجنن وطعمة حلوووووووو واذا اخذتي خمس جوالين يعطيك ثنين مجاني يعني عرض حلوووووووووووووو
اخر شي حطيت طاولة بعد العشاء وشريت عطور من اجمل وباجنيد وعلووووووووووووك حريمي وثاني مغلt وحلاو المص الملون وابولووووووووووو بطريقة طقم مع الكوشة
ان شاء اللة افدتكم واني مانسيت شي اعذروني لة سنة ونص الكلااااااااااااااام
وروني همتكم
ارجو التفـــــــــــــــــــاعل يلة
