التبويض والحمل

انا باقي على دورتي يوم يعني بس الخميس وموعدها الجمعة وانشاءالله ما تيجي

اللي استغربت منه انه فترة التبويض حسيت بالم بسيط وكانت في افرازات خفيفة جدا (الله يعزكم) وعادة الألم بكون واضح اكتر
وقبل موعد الدورة بـ11 يوم وانا حاسة باوجاع باسفل البطن والظهر والجنبين وخصوصا اليسار

وما حبيت اخذ مسكنات قلت احتياط لو كان في حمل وهالشي اول مرة بصير معي 😛

وعندي رشح من كم يوم بروح وبيرجع مع حرارة برضه بتروح وبترجع ➡
وكنت بعد فترة التبويض بكم يوم يعني لما بدات هالاعراض تظهر انام كتير بس حاليا يعني اليوم ما بعرف انام 😳 يمكن من التفكير مع اني حموووووت وانام

وامبارح بالليل راحت الاوجاع ومو حاسة بأي شي واليوم بذلت مجهود وتحركت كتير ولفيت بالسوق مع هيك مو حاسة بأي وجع

ورحت امبارح عند الدكتورة وقالتلي لو كان في حمل ما حيبين الا بعد انقطاع الدورة باسبوع وانا مو قادرة استنى 😛
قالتلي يمكن يكون التهاب بالمسالك البولية وقلتلها اني بشرب مي وسوائل كتير ,,بصراحة ما اخدت بكلامها ووصفتلي دوا وما اشتريته 😈