الام الثدي..مقلقتني.؛))ادعولي يا بنات

عندي الالم في الثدي من يوم السبت وكل مالها تزيد..؟؟ ➡ وماني عارفه السبب انا الدوره عندي انتهت من يوم الاربعاء ودائما الالم الثدي عندي تكون قبل الدوره وخفيفيه..عادي وتعدي ولا احس فيها غالبا.. 😡

اكيد رايح تقولون انتي توسوسين ويمكن يتهيئلك…والله يا بنات اني ما اكذب عليكم..
من شدة الالم صحيت من النوم ومني قادره اكمل…وخفت لا يكون فيه ورم ولا شي..لانوا احنا من عايله الوالد عندهم سرطان الثدي بنت عمتي الاولى توفت وهي حرمه كبيره وعندها اولاد..والثانيه دوب المرض صابهاا الله يرفع عنها وهي بنت ما تزوجت واستئصالواا ثديهاا..

انا مني من البنات الي من وخزه تشتكي بس والله الالم مره شديد ومني عارف ايش اسوي ونفسيتي زفت وعندي امتحان الاربعاء صعب..ومافتحت حاجه..

والي مستغربته ومخليني مشتته انو احسه حتى مسمع في يديني الثنتين مني قادره اشيل شي والم بين الثدين كانه ذبحه صدريه..وحبه طلعتلي في الابط دائم تطلع وتروح وعاادي..بس هذي المره غير..

تقولون توسوسين ويمكن من ازمة الامتحانات اقلك ممكن بس مو لهذي الدرجه..

وانا بعديه عن اهلي بعد في سكن طالبات وادرس طب وانتم تعرفون قد ايش يبغاله تعب وجهد..
مني عارفه افضفض لمين ان شاء الله بكره بحاول اروح للدكتوره بس المشكله عندنا الا بموعد وانا ابغى اروح خاااص..والله يستر.. ادعولي يا بنات والله نفسيتي زفت ومني عارفه ايش اسوي غير الدعااء..

ادعولي ربي يرفع عني وما يكون الخبيث ❗ يارب انا ادوام على الفحص الذاتي والحمد الله سليم

ياااااااااااارب بس ابغى دعواتكم..واذا ايت وحده تعرف اي دكتوره كويسه ممكن تنصحني اروح لها يا ريت واكون شاكره لكم..