عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام يا فراشات
اليوم بكتبلك سالفتي مع اللولب ماراح اكتب القصة من الاول لكن بكتب سالفة اللولب
عشان تنتبهون للأخطاء اللي سويتها ابي منكم دعوة ان الله يسهل علي تنزيلة اللولب اللي اختفت فتلاته (خيوطة ) ودعوة لي بالحمل بتوأم اولاد تامين الخلقة ولأختي بعد .۔
ندخل السالفه وباختصار لن البعض مايحبون الكلام الكثير <<< مثلي اي هين << هههه
قبل 7 سنوات ولدت وكانت ولادتي قيصرية السبب
(فتح الرحم 10 سم بس مارضا ولدي ينزل مايبغى يطلع الا من بطني وبعد اربع ساعات من 10 سم دخلوني العمليات )
قررت اطول ما احمل من اللي شفتة كنت احاول اطووووول قد ما اقدر عشان انسى اللي صارلي
ركبت لولب بعد الاربعين وجلست عليه خمس سنوات
بعد خمس سنوات قررت احمل لأن ولدي تعقد من الوحدة
ورحت المستشفى حاولت الدكتورة تشيلة بس مافي فايدة ابد ابد ابد
كان الحل الوحيد
((( تنويم ))
السبب / اللولب طاااااير فووووووق مرررررة
استاهل هذا الاهمال وما يسوي لأني ماكنت اشيك علية ابد مبسوطة اني ما احمل كان هذا هو همي
ومن دكتورة لدكتورة لين شلته بمبلغ 3000 الاف ريال <<ماتسوى عليه
وبعدها على طول حملت في بنتي
وقت الولادة صار فيني نفس ما صار في ولادتي الاولة
فتح الرحم (10 سم) ومارضت بنتي تنزل الا من بطني <<عزة نفس ياعيال عبدالله ههه
وبعد العشرة سم تركوني خمس ساعات وبالاخير عمليه
وبعد ولادتي حاولت في البدايه اجرب الحسبه ومشت معي بس الناس خوفتني منها فققرت اخذ مانع
الحبوب ماتناسبني ابد اصير ( نفسية) <<تتعب نفسيتي مرررررررة
وقلت مافي شي اضمنة مانع حمل الا لولب <<<ماتتوب ابد
رحت وركبت اللولب من جديد <<راسها يابس هههه
والحين عمر بنتي سنتين
فكرت احمل بصراحة بصراحة اشتهيت توأم وبديت اخذ الفايتكس واستخدم مرمرية وحبوب الفوليك ….الخ ادعولي ربي يرزقني كنت انتظر بس موعد الدورة عشان اشيل اللولب
المهم رحت ابغى اشيل اللولب الخميس الماضي
حااااولت الدكتورة ولا لقت الفتل <<جمع فتله <<لا ياشيخة
( (الخيوط )) <<مصرة انكم مافهمتو ههه
المهم
رجعنا السبت (اليوم ) للمحاولة الثانية ولا في فااااايدة
على طول تحويل لمستشفى حكومي
حاولت الاخصائية ولا في فااااايدة
دخلوني على استشارية وجميع المحاولات كانت فااااشلة
وبكل المحاولات ماتشوفون الا بكاء ودمووووع ورجفه كسرت خاطر الدكتورات
بالاخير قالوا لي مافي فتلات نهائيا << تهقون منخشات << بعد بعد لك وجة تنكتين ههههه
النهاية >>>طلعت بيدي ورقة مكتوب فيها
(موعد التنويم *لمصع اللولب * <<ههه الاحد القادم 18-11-1432 الساعه الثامنة صباحا )
وسلامتكم يافراشات لحد يسوي سواتي بعدين ((يقعدبها )) هههه
بوافيكم بالمستجدات بعد التنويم <<مراسلتكم من مستشفى الملك عبدالعزيز خخخخخ
اللي بتقرا سالفة >>> حبوب الفايتكس معي انا واختي التوأم تدخل الرابط بس لا تحرموني من ردودكم ( على الموضوعين )
