عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله
سجلت اليوم بمنتداكم الرائع لطرح مشكلتي
واتمني تساعدوني ياأخواتي
انا مطلقه وليس لدي اطفال عايشه مع اهلي والحمدلله اموري زينه
لاكن عندي مشكله نفسيه وهي الأرق طبعا مو مستمر معي بس يجيني اذا كان عندي بكرة مناسبه
كبيرة وتتوجب علي اني احضرها
او اذا عندي دوام .. وهالحاله ماجتني الا بعد ماتخرجت من الجامعه
المهم
انا اللحين جايتني وظيفه وظيفه زينه وتعتبر فرصه ذهبيه لي .. بس خايفه خايفه يجيني ارق وما انام
واضطر اداوم وانا مواصله واليوم الثاني نفس الشي ما انام وبكذا راح اكون مرهقه وما اقدر اركز في عملي
واضطر لترك العمل .. ادري انه سبب تافه بس وربي اني ابكي من القهر
نفسي انام بكل راحه وادام واكسب مال حلال واقضي علي وقت الفراغ الي انا عايشته
كثير فرص ضاعت من يدي والسبب هالارق والمشكله اهلي مايدرون بحجم المشكله
قبل 4 سنوات يعني قبل ما اتزوج جتني وظيفه بواسطه في مدرسه اهليه وتركتها من 4 يوم
لاني تعبت من الارق وقله النوم وجلست ابكي من القهر والوم نفسي لاني ضعيفه
ولاني احرجت صديقتي اللي سعت لي في هالوظيفه
واللحين الوظيفه لازم اودي اوراقي لهم يوم السبت او الاحد
وابي هالوظيفه ,, وبنفس الوقت خايفه يتككر معي الموقف الي صارر في الوظيفه السابقه ,,, اكتب لكم وانا ابكي اكيد بتضحكون علي واكيد اغلبكم يتمني هالفرصه
بس انا وش اسوي ؟؟ تكفون ساعدوني
خايفه من الارق والتعب والدوخه اللي ماراح تخليني اادي عملي بالشكل المطلوب
والشي الثاني خايفه اني احرج نفسي مع الناس الي اعرفهم وسعوا لي بهالوظيفه
وربي اني تعبانه ..
محتاجه لتشجيعكم ,,
او لحلولكم
تكفون ساعدوني لو بالدعاء
يارب فرج همي وقو عزيمتي واكتب لي الخيرة في امري
