الأحداث التفصيلية لولادتي <<< أقلطوا حياكم

وكيف البيبيهااااات والمرافس 🙁

اليوم جاية وجايبة معاي قصة ولادتي 00

السالفة وما فيها يا عسولاتي ان الدكاترة حددوا لي موعد لولادتي

اول دكتورة رحت لها هي اللي حددت لي الموعد الصحيح لولادتي

بس كان كشفها بااااااااااااااارد و تحسين انها ما تتكلم عن كل شئ

فغيرتها …….. بعدها حددوا لي موعد للولادة غير على حساب السونار

ولان الجنين صغير فكانوا يحسبون لي الولادة متأخرة المهم يالغوالي ………

كنت احس بالطلوق من اول شهر ثمانية يعني من بداية التاسع عندي

واسبوعيا اروح المستشفى واوصف لهم اللي احس تقول لي الدكتورة طلق

بس ما ارضى يكشفون علي من تحت لاني مرعوبه يسببون لي بلاء انا في غنى عنه

واطلع من المستشفى وانا اجر اذيال الخيبة ولا ولادة ولا حبة الله

وبعدين حاولت انسى موضوع الولادة مليت من كثر الطلوف والمرمرة على المستشفى

وفي يوم تسع من الشهر رحت السوق وانا احس بطني بيتقطع وظهري مو قادرة امده

بس قلت كالعادة طلوق مثل كل مرة 00 ومن لفيت لفتين بالسوق إلا وانا خلاص ما اقدر اقدم ولا آخر رجلي

حتى شنطتي ما قدرت اشيلها عطيتها بنتي و اركب السيارة وارجع البيت وانا مو طايقة حتى اسمع اي

صوت ولا اشوف احد يمشي قدام عيوني من الألم وكل ماله يزيد الألم وانا مكذبة نفسي متعودة على

حركات الطلق معاي قلت الحين اروح وتكرشني الدكتورة 00 وسويت لي قرفة +زنجبيل + عسل + زعفران

وشربتها وقريت سورة مريم وجلست اقراء في اوردة الولادة وجلست في موية دافية يمكن اقل من ساعة

لاني ما تحملت الألم و اكلت رطب وكل شوي يزيد علي الألم عرفت ان ساعة الصفر قربت

اتصلت في زوجي الساعة 3 قلت تعال <<< كان السيد بيجلس يتسحر عند امي

بس قلت له لا تقول لأمي اني تعبانة اعتذر وتعال بأي شكل

و قت ما جاء رحمته يروح المستشفى وهو ما تسحر قلت يتسحر ويصير خير

وبالفعل من تسحر الاخ كان بيتسطح على قولته قلت مافي وقت يا بابا قال يا بنت الحلال كالعادة

معليش نروح ونرجع قلت لا اليوم غير 00 وهو يتكلم بأبرد ما عنده وانا الطلق بيقطع بطني

وكنت متصلة على مستشفى علوي تونسي كانت الدكتورة المناوبة دكتورة تهاني

تشجعت اني اروح لها وشكرت ربي انه صدفني دكتورة تهاني

رحت لها لقيتها تتسحر تسحرت وصلت الفجر <<< ابرد ما عندها

وقتها ما صدقت اصلي واروح لها قلت لها شوفي عندي ولادة ماعندي ما ابغى اطلع إلا وانا والدة

بعملية بطلق بأي شئ المهم اني اولد قالت طيب نشوف قالت بقيس لك من تحت قاست لقيته 4 سانتي

يارب لك الحمد قالت هاه وش رايك تروحين البيت وترجعين لي عاد انا بققت عيوني فيها بعد ما مسحت

دموعي قلت اربعسانتي وتبيني ارجع البيت اولد بالسيارة قالت عشان التوتر والخوف يروحون

هي تتكلم وانا اتقطع من الألم قلت لها ماله داعي الكلام ياللا أبي اولد قالت ياللا واطلع لغرفة الولادة

الدكتورة منقبة ما شاء الله هي تمشي وانا امشي وراها ولا كأني إلا امشي ببيتي بس مغطية شعري

وعباتي على كتفي و ودي اسابق الهواء عشان اوصل واولد 00 ويشوفني زوجي ويقول : خير عساك طيبة

وش فيه مو مغطية وين رايحة قلت لا مو طيبه انا تعبانة وربي مافيني اكتم انفاسي والممر مافيه احد

واوصل الغرفة و ابدل ملابسي واتصل في اختي واقول لها اني دخلت المستشفى ولادة بس لا احد يجيب

طاري لأمي إلين اولد وشوي ويدخل زوجي معاي وتحط لي النيرس الكمام ومن حطيته وانا احس اني

بعالم ثاني احس اني مو حاسة باللي حولي شلت الكمام من على فمي وقلت لنيرس خلاص ولدت

قالت ليه هو لعب عيال 000 على بالي ان الوقت اللي بالكمام كان طويل 00 قلت من جد نيرس ابي اولد

مثل الحريم اللي يحطون الكمام يقومون والبيبي جنبهم 00 قالت ليه مش عايزة الآجر قلت إلا ابي الاجر بس

ابي ارتاح و بدأ الجد وحطت فيني مغذي وشكله فيه طلق صناعي وهات يا الآآآآآآآآآآآآآآآآآآآآآآآآآآآآم

وتجي تقيس شوي ست وشوي سبع وكل شوي يزيد سانتي وانا الالم يقطع فيني وزوجي كل شوي

يدخل علي ويقول بسيطة ترا شوي وتولدين يقولها وهو مبتسم مب داري اللي فيها

شوي كذا وجت الدكتورة وجلست بمكانها 00 عاد انا التفت عليه وقلت له ياللا اطلع قال بجلس اشوف

قلت وش تشوف واللي يرحم والديك اطلع انتظر براء ويطلع وهو ملتفت فيني 00

المهم شوي الطلوق تروح وترد وانا مافيني عزم ادفع والدكتورة تقول ياللا زئتين ويطلع البيبي وانا اقول لها

وربي ما فيني شدة و هي جالسة بين رجولي وتقول انا ما وراي شئ بجلس معاك إلين تكون فيك قوة

واقول لها انا برتاح بنام ابيه يطلع الله يسعدك ساعديني 00 قالت جايه بتولدين ولا أكلتي ليه قلت عشان

اولد وانا خفيفة 00 قالت يا سلام المرة الجاية لا تجين إلا وانتِ أكلة جلست اصيح واقول لها مافي مرة

ثانية خلينا نخلص الحين 000 وقتها وهي تشجع ياللا والنيرس معاها ياللا قربتي 00 وشوي وتقول ياللا زؤي

وانا اقول لها مافيني شدة قالت البيبي شوي ويطلع هاتي إيدك عشان تلمسيه قلت ما ابي ابيهي يطلع

الله يخليك ويالمحاولات والتشجيع والصياح طلع احلى ولد بالكون كله و يصلحة ويخلية لي و لأبوه

والحمد لله من قبل ومن بعد له الفضل أولا وآخرا