اكيد مادخلنا هالقسم الا عشان نفضفض بس تعالوا اقولكم كلمة راس

ابدخل على طول بالموضوع ياقمرات

انا احب افرفر بهالقسم واعطي رأيي في المشاكل
وانا نفسي اذا ضاقت فيني الوسيعه جيت هنا وطلعت اللي بخاطري 😆 idea:

بس يابنات فيه شي لازم تسوينه قبل تجين تشكين حالك

يعني واسمحوا لي اكون صريحه فيه بعض البنات
تجي تطرح المشكله وهي اصلا مافكرت تحلها
يعني جايه بس تتكلم واذا حاولنا مساعدتها
تطلع ميه عذر لتصرفاتها
وفيه بعض المشاكل يكون الخلل في نفس البنت اللي تكتب المشكله
وهي ترمي اللوم على خلق الله
واذا جيتي قلتي لها ترا الغلط منك ماتدرين الا انواع الكلام اللي مو كويس جايك

طيب ليه ماتحاولين تحلين المشكله قبل تشكين
يعني ماتقولين اللي بخاطرك الا بعد ماخلاااااااص تتعبين وماتحصلين حل
عشان تكونين متقبله رأي البنات في مشكلتك
لازم تكونين جاده في حل المشكله
مو بس تدورين بنات يحنون عليك وبس واللي تعارض موقفك تكفخينها

يعني بعض القصص هنا تحكي عن التحرش
سواء من الاقارب او الاجانب او من البنات
وتقول وش اسوي
طيب ياقلبي انتي يمكن تظهرين فتنتك شي بديهي وطبيعي بيتحرشون فيك
مافيه رجال بيشوف الزين ويقول لا
وغيرها كثير من القصص اللي احتمال تكون صاحبه القصه هي اللي غلطانه
واذا صارحتيها قالت انتي مو فاهمه وضعي
طيب اوكي فهمينا وضعك عشان مانظلمك ونساعدك

هذا شي
الشي الثاني يابنات
فيه حل اكيد لمشاكلنا وضيقه صدرونا
بس مشكلتنا نجهله واحنا نعرفه << ترجموها هذي

اكيد كلكم عرفتوه
الدعااء بقلب صادق
(كملوا كلامي مو يعني جا الكلام عن الدعاء انسدت نفوس بعض البنات كملي ومابتندمين كلها كم سطر )
ادري تقولون ماجبتي شي جديد
ادري انكم تعرفون فوائد الدعاء ومايحتاج اعلمكم
بس السؤال هل جربتوه؟
صدقوني ورب المصحف مافيه احلى من انك تقومين قبل الفجر بنص ساعه
تصلين الوتر وتمسكين المصحف لو حتى صفحه
بس تقرينه وتدعين ربك باللي خاطرك فيه
اول شي استغفري وبعدين احمدي ربك واشكريه على نعمته
وحاولي تتذكرين نعم رب العالمين عليك
اقلّها انك مسلمه وتقدرين تقومين تصلين وغيرك محروم هالشي
وبعدين ادعي باللي خاطرك فيه
ولاتستحين من ربك لااااااااااا
اطلبي اللي تبينه
قولي يارب ضايق صدري وانت تدري بحالي
قولي يااارب تخلو كل البشر عني ومالي غيرك ياحبيبي ياررربي
ادعي وادعي وحاولي تحسين بلحظتك مع ربك
يعني خليك متأكده ان الله بهاللحظه يسمعك ويبشرك بزوال همك
حسي باللحظه وحسي ان الله الحين راحمك
وادعي وقولي الحين ربي مابيخليني اكيد راح يريح قلبي
وربي يابنات اذا تيقنتوا بهالشي من لحظتها
تحسين انكب على قلبك مويه بااااااااارررررررده
ويمكن بعد دعائك بس تبين تنامين عالسجاده ودمعتك على خدك وابتسامه ماتفارق وجهك
وانتي تحسين ان ربي بشرك بقضاء حاجتك وزوال همك

جربوا يابنات وربي ماتندمون
جربيها مره وبتلقين نفسك تحبين تقومين الليل وتدعين وتدعين بكل اللي بخاطرك
ويمكن بعد ماتحسين بنفسك وتستمرين بالدعااااء بكل شي يخص حياتك واخرتك

هذا ربك حبيبيك ملك الملوك كل شي قادر عليه لاتقولين بنفسك مابيصير شي
لااااا
راح يصير
اذا انتي طرقتي باب الله ربي مابيردك
وبس انتظري متى ربي يستجيب دعوتك

ادري كثرت الكلام عليكم

عشان مو بس نجي نشكي ومانستفيد
لااا
نبي نفضفض اللي بخواطرنا ونستفيد من ردود بعض
تدرون اللي اهم من الموضوع وشو؟ الردود اللي بالموضوع
لانها تحمل الحلول
ولازم نقبل وجهة النظر حتى لو هي مخالفه رأينا واشارت انه احنا اللي غلطانين
( ماعاد بعض الردود اللي فيها تجريح ودك تكفين صاحبة الرد عشان تتوب )