عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ازيكم يا احلى فراشات
النهاردة جايبة لكم اكلةة مصرية 100 % يارب تعجبكم
عدس بجبة وبطاطس وباذنجان بالصلصة
نبدا بالعدس
في البداية انقي العدس واغسله حوالي كوب
اجيب حلة واحط فيها المية والعدس ولما يغلي اطلع منه الريم الاسود وافضل اطلعه لحد ما ينظف خالص
بعدين اجيب طماطماية اقشرها واقطعها مكعبات وكمان بصلة واقطعها مكعبات
واضيفها على العدس
واضيف الملح والكمون وفلفل اسود ملعقة صلصة واغطيه واسيبه لحد ما يستوي
ولو تحبي تضيفي مكعب مرقة اوكيه
بعدين اعمل تقلية للعدس
ابشر بصلة وابشر عليها 3 فصوص توم واحط عليها كمون وشطة وملح واقليها في شوية زيت
لما تتحمر التقليه احطها فوق العدس واسيبه يغلي غلوة واحدة واطفي
بعدين اغرفه في طبق
انا بحب بعد ما اغرفه احط حتة زبدة او سمنه بلدي في وسط الطبق بيكون طعمه جناااااااااااااااااان
نيجي للبطاطس والباذنجان
اقشر البطاطس واقطعها تخينة كده وارش عليها شوية ملح
بحب اقشر الباذنجان خط ابيض وخط اسود وبعدين اقطعه حلقات وانقعه في ميه وملح عشان ما يشربش الزيت
اقلي البطاطس الاول
وبعدين الباذنجان
وبعدين الفلفل
ارصهم في قوارب
وبعدين اعمل الصلصة
اجيب نص راس توم وافرمها واقليها في الزيت
وبعدين احط عليها طماطم مكعبات وفلفل مقطع واقليهم شوية
وبعدين اضيف ملعقة صلصة وملح وفلفل وكمون وشطة وخل
واسيبها تغلي لحد ما تتسبك وارشها على وش البطاطس والباذنجان
مش عارفة صور الخطوة دي مش لاقياها
وده شكلهم
وبالهنا والشفا يا قمرات
