اكشن ولادتي بالتفصيل تعالوا شوفوها

صباح/ مساء الخير

طبعا ولدت في 3/9 يوم الاربعاء

وانا خلصت التاسع في 28/8 يعني طوفت تقريبا خمسه ايام

كان عندي مغص من قبل لا اخلص التاسع

بس يوم خلصت التاسع زاد زكان يجيني في الليل وفي النهار ما عندي شيء 😀

واستمريت على ذا الحال كم يوم لين جاء 2 رمضان

قمت اسوي الفطور بالغصب ودخل علي زوجي قاله يرحمني يوم اني تعبانه

قال لا تسوين شيء بس شربه وسمبوسه ➡ >>> يرحم امك ما طلبت شيء

المهم سويت شربه وسمبوسه وقهوه وحضرتها وشوش الا اذن

بعد الفطور حسيت بتعب مره انسدحت جاء زوجي قال ليه جالسه لوحدك

اجلسي معنا قلت انا تعبانه قال كل يوم تعبانه ترى طفشت

المهم دقت امي قالت بنروح لعمك نسلم على زوجة ولدت جالها بنت

قلت خلاص بروح معكم وانا الله اللي يعلم بحالي وش فيه من التعب

يوم رحنا بعد التراويح حلف عمي علينا للسحور بغيت ابكي ❗

ابغى اروح طول الليل بس اجامل والالم يروح ويجي كل ساعتين

بس ما كنت اعرف انه طلق ولاده وبنتي طول الليل تسعى وتدق بطني براسها

كأنها تدري ان اختها قربت تجي خخخخخخ

وجدتي تصيح علي انتبهي بطنك انتبهي بطنك وانا اصب عرق مع ان الجو بارد

وبنتي طفشتني تبكي طول الوقت المهم ما جا السحور الا الساعه 2 في الليل

ولا رحنا الا الساعه 3 طبعا قالت امي روحي معنا وانا عييت قلت ابغى بيتي

طبعا زوجي كان نايم ونومت بنتي والالم ما وقف معي يوف فتحت جوالي الا صديقتي

تقول افتحي الموقع الفلاني وما ادري ايش ,,,, المهمصليت الفجر وفتحت الموقع

والالم يزيد ولا قدرت اجلس اذا جات الطلقه امسك اللاب توب بقوه شوي واكسره

بعدين طفيته ما قدرت اجلس رحت للسرير الا قدني اصارخ من كثر الالم ويو تجي طلقه قويه

ابغى اصحي زوجي بس ما سمعني مسكت يده بقوه لين صحى مثل المجنون وش فيك

قال عندك طلق قلت ايوه قال اوديك قلت يله طبعا رحت لان الطلق ما وقف وانا ما شفت

لا دم ولا مويات ولا اي علامه اللهم الطلق ورا بعض جهزت شنطه لبنتي واحط فيها الملابس كلها

وصحت وتقول لي لا تاخذين اغراضي وهي معصبه قلت قومي واعطيها علاجها ورجعته كله

وصرت ما عاد اقدر اوقف من قوة الالم اذا جات الطلقه وادخل على الطواري وعلى طول كشفت علي

الله يسامحها بغيت اموت موت قالت بس 3 سانتي قلت عادي اروح قالت عادي

بعدين شافتني ماعاد اقدر امشي قالت خلاص تنويم وانا ما ني مصدقه 😆

وفي نفس الوقت خايفه ودخلوني قسم الولاده

وغيروا ملابسي وكنت اول مره اولد في حكومي <<<< من كثر ولاداتك انتي وجهك 🙂

بعدها جلسوني على سرير وركبوا المغذيه والتخطيط والاكسجين وتركوني

من الساعه سبعه الى 9 ونص تقريبا جا الدكتور وخذا من بعض المعلومات وطلب مني يكشف

طبعا كان سته ساني وقال بفك موية الجنين قلت طيب وكنت بموت من الخوف وشاده اعصابي

طبعا حاول المره الاولى من قوة الالم شته برجلي

وهو زعل مره وحاول مره ثانيه قال ما انفكت

المهم راح وخلاني وانا اذا راح الطلق اخذ الجوال واقرا ادعية الولاده كا تبتها

وقمت ادعي وادعي وانا اصارخ من قوة الالم واذا سكت تقوم تصارخ اللي جنبي

وصرت اخاف اذا سكتت ادري ان الطلق بيرجع لي

استغربت اني اصارخ وانا على بكري ما صارخت ولا قلت كلمه

وكنت اقول مع كل طلقه يا كريم يالله خفف عني والام يخف سبحان الله

الين الساعه 11 وربع صار الطلق ورا بعض وحسيت بدفع قوي وادعيهم ما احد استمع

الله لا يوفقهم الين انفكت موية الجنين وتجي القابله وقيس الا 8 سانتي

وانا خلاص البنت تدفع نفسها وهم يقولون لا تدفعين امسكي نفسك

الله لا يسامحهم احس ارحامي بتتفجر من الالم وانا ماسكه نفسي

ويجيبون العربيه يبون يشيلوني فيها وانا ما ادري كيف اجلس والبنت راسها بيطلع

وانزل العربيه وانا ممتده ماني جالسه الين وصلوني السرير وجاء الدكتور اللي رفسته طبعا

وادفع يمكن ثلاث او اربع مرات وتطلع بنتي الله يحفظها من كل مكروه ➡

طبعا بعد ما شخط في راسها بالمقص

الله يسامحه لعب في راس بنتي لعب

يوم اقوم اطالع في البنت ال والصدمه شباب يطبقون كانوا حاضرين ولادتي يوم طلعت البنت راحوا

والله اني بغيت اموت من الخجل والصدمه

المهم ما بقي معاه الا بنت سودانيه يشرح لها الخياطه <<< ضمنت ان خياطتها حلوه

وبعدها خلوني ساعه وزياده ودوني غرفه ثانيه وخلوني فيها الى الساعه 3 عصر

وانا ولدت تقريبا 11 ونص بنتي جوعانا ما احد لبسها ولااحد ناولني بنتي

الين جات امي ودخلت عليهم وهزأتهم وجوني ممرضتي وروشوني ونزلوني التنويم

قالت امي خلاص اطلعي لا تجلسين ما عندهم اهتمام

وطلعت على مسؤليتي مع أمي الله يحفظها يا رب من كل مكروه ويشفيها

طبعا انا الحين بصحه زينه بس ما اقدر امشي زين من الخياطه التهبت علي مره مره

ولا جلس بس منسدحه حتى اكتب لكم بصعوبه مره

والله يا بنات اني ما نسيتكم اني ادعي لكم من كل قلبي ان ربي يسر لكم

ادعوا لي اني اسمي بنتي اليوم لسى ما سميتها ونفسي في اسم لتين