عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
في البداية احب اشكر منشئات المنتدى الله يجعله في ميزان حسناتهن ويعطيهن على نياتهن
انا ابي اخذ رايكم في مشكلة عندي واحترت بحلها
اختي تعاكس بالجوال كانت تعاكس قبل سنة وصارحتها واقنعتني انها تركت وخلت جوالها لين انفصل وانقطع تماما
بعدين شفتها تروح الجامعة بدون جوال فطلعت لها شريحة سوا مايدرون عنها اهلي انا على بالي انها انهت كل شي
بعدين حسيت اختي متغيرة علي مرة بصراحة انا مدلعتها على الاخر والشي قبل ماتفكر فيه اجيبه لها واحاول قدر المستطاع اني اوفر لها جو مناسب لان ماله اخت غيري وامي ماهي قادرة تفهمها وتتعامل معها
لكن تفاجات صايرة تكذب علي كثير وتخبي اكثر انا بصراحة اعرف كل شي بس مااتكلم ابيها من نفسها تجي تقول
وصايرة تستغفلني بشكل اكبر
بصراحة شكيت ورحت فتحت درجها بدون علمها وجلست اشوف الجوال لقيتها على علاقة ب كذا شخص وكل واحد
فقلت لها لك لين العيد تطلعين لك جوال بالنور اذا تبين وماعطت كلامي اي اعتبار
فكرت اهددها اني اعرف واقول ترى بعلم الوالد بس اعرف اني مستحيل اسويه ومابي اهددها بشي مااسويه
اخر فكرة جت ببالي اكسر الشريحة واخذ الجهاز بعد واكتب لها رسالة رقيقة
لاني خايفة من التمادي في العلاقات
والله ماني لي خوات غيرها واعتبركم في هالمنتدى خواتي فوش تشورون علي به
محبتكم
بايعتها
