اقلع النقاب و لا لأ ……… ؟؟؟؟؟!!!!!!

السلام عليكم يا فراشات , انا عندي 18 سنة و في تانية جامعة , انا محجبة من و انا في اولي ثانوي , و بقالي فترة مترددة البس النقاب و لا لأ ؟ , بس انا بقالي شهر لابسة النقاب و مش حاسة ان انا مرتاحة حاسة اني مخنوقة كده و مش مريحني معرفش بحس اني انا نفسي اقلعه و بقول لأ ليكون حرام و اخد ذنب و كل صحابي بعد ما فوقوني قالولي ده من الخنقة اللي انتي عاملاها في نفسك و قالولي انهم اضطروا يفكوهولي علشان افوق , و جربت البسه في البيت علشان اشوفه بيدوخني فعلا و لا لأ لقيته دوخني و وطالي ضغطي اوي و و الله كان حيغمي عليا خلاص لولا ان اختي شاليتهولي و لحقتني بشوية كولونيا , انا مش عارفة اعمل ايه بجد و انا كمان داخلة بعد اسبوعين علي امتحانات فخايفة يحصلي حاجة في الامتحان و الامتحان يروح عليا انا محتاااااااااااااااااااااااااااارة اوي والله ساعدوني لو سمحتوا في حيرتي الفظيعة 😀 😡