اقتراح للإدارة – أرجو الإهتمام

السلام عليكم
كثرت هذي الأيام قصة النصب ، وكثر التلميح والتصريح على الإدارة وتقصيرها ، وبصراحة مانقدر نقول الإدارة بس هي الغلطانة ، من جهة هي مسؤولة أمام الجميع عن هذي الحالات لأنه مافي ولا إجراء صارم صار ضد النصابين والنصابات ، ومن جهة المشرفات مايقدروا يسيطروا على الكل ولا يقدروا يتتبعوا كل معرف ويعرفوا التفاصيل ، وبرضه العضوات غلطانين يعطوا الثقة كاملة لأي وحده .. بصراحة اليوم قرأت موضوع أحدث نصابه على الساحة ( أم فايزز ) وذهلت !! بالله كيف تحملوا الإدارة غلطة شنيعة زي هذي إذا انتوا وثقتوا في وحده مااتجاوز عدد مشاركاتها 120 ( حالياً ) وحولتوا لها بالآآآآآآآآآآآآآآآآآآآآآآآلاف كيف تلوموا الإدارة ؟؟!!
اسمحوا لي بس بصراحة اللي سويتوه هو الجنان بعينه !! لاتزعلوا بس على أي أساس تحولي لوحده 9000 وفوقها وهي لسا مااتجاوزت 120 مشاركة ؟؟!!
على العموم أنا موضوعي مش كذا أنا موضوعي اقتراح اقدمه للإدارة لعل وعسى نقدر نسوي شي ..
موضوع ان الإدارة تخلي التاجرة المعتمدة بفلوس هذا مانبغاه لأسباب كثيرة ، وعلشان كذا بقول اللي عندي وإنتوا فكروا فيها وعيدوا صياغة الفكرة بالشكل اللي تشوفوه مناسب ، وياليت من يشوف ان فكرتي صح يصوت عليها ..
بسم الله
الآن ليش مايكون في كل منطقة من المملكة ( وأشدد كل منطقة ومدينة ) 3 – 4 تاجرات معتمدات على أساس التالي : تخصص هذي التاجرة رقم حساب يتم فيه تحويل كل المبالغ المحولة لهذي المنطقة وتستلم هي البضاعة وتسلمه وتوزعها للمستفيدين ، وممكن تاخذ على هذي الشغلة نسبة بسيطة ( للتحفيز فقط ) واللي ماتبغى براحتها .. بوضح أكثر
خلينا نقول سيدة الجمال ( مجرد مثال فقط ) في الرياض – بحر في جدة – أوان الحب في مكة ( مرة ثانية هذي مجرد اسماء ، الآن أنا احتاج بضاعة من جدة اتفق انا والتاجرة عليها بحيث هي ترسلها لبحر وبحر ترسلها لسيدة الجمال وانا اروح استلمها منها ، طيب والفلوس ؟ أسلمها أنا ( من الرياض ) لسيدة الجمال وهي تحولها على حساب بحر وهي تعطيها للتاجرة يد بيد .
طبعا الشغله متعبة علشان كذا انا قلت ممكن التاجرة المعتمدة تفرض رسوم لتعبها ، لكن هذي الطريقة اضمن للكل وتخلي العمل مقنن وفيه مركزية ، كأني خليت في كل مدينة مركز أسلم واستلم منه ، و لو تلاحظوا هذي العملية بتوفر علينا حتى في موضوع الشحن ، يصير تحويل الفلوس والشحن كله على التاجرة المعتمدة طبعاً بتحسب أجرة شحن على كل زبونة وبكذا هي أيضاً استفادت ، لأنها ممكن تخلي الشحن والتسليم في يوم واحد وترسل البضايع مع مندوب من طرفها وتاخذ عليه نسبة من الربح .

ايش رأيكم ؟! 😡
ياليت اللي عندها اي اقتراح تضيفه هنا ..