افيدينى دكتوره بنت النيل

السلام عليكم ورحمه الله وبركاته
شكرا دكتوره بنت النيل على الموضوع واحب اعرض مشكلتى عليكى
انا متزوجه وعندى بنتين والحمد لله كان الحمل طبيعى وتقريبا ما فهوش مشاكل تذكر
بنت 8,5 سنين وبنت 5,5 سنين بعد البنت التانيه ركبت اللوب وبعدين شيلته والبنت عندها 4,5 يعنى من سنه
بعدها قاعدت مع جوزى 4 شهور وبعدين نزلت مصر فضلت فى مصر 5 شهور وبعدين رجعت تانى دلوقتى ليه شهرين ونصف مع جوزى وهرجع مصر ان شاء الله بعد 3 شهور
بعد ما رجعت من مصر درس العقل تاعبنى ورحت للدكتور قالى لازم يتشال وادانى مضاد حيوى بعدها بحوالى 10 ايام تعبت جدا من تحت رحت للدكتوره قالت التهابات وادتنى تحاميل وغسول وليه ولجوزى اقراص بس مش فاكره اسمها (ملاحظه ؛ عمرى ما جالى التهابات قبل كده اول مره)
فى نفس الشهر ده الى هو الشهر الى فات تعبت جدا قبل البريود مع العلم انى من ساعه ما اتجوزت مش بحس قبلها الا بتعب بسيط اسفل البطن باخد له مسكن وخلاص لكن الشهر ده الام غريبه بالنسبه لى انتفاخ فى الصدر مع وجع دوخه الرغبه فى القىء دخول الحمام كتيييييييييير مع رائحه نفاذه للبول(اعاذكم الله) وقبلها بثلاث ايام الام فظيعه فى اسفل الظهر مجرد ما اقف على رجلى احس بيها ولما اريح يروح رحت للدكتوره من شده التعب عملت تحليل دم ما كنش فيه حمل تانى يوم جت وكان ميعادها مظبوط (29 يوم) بس وجع ظهرى كان فظيع كانى بولد بالظبط والله نفس الوجع بتاع الولاده خدت بنادول الازرق مرتين وبروفين وكانى مش واخده حاجه
انا عايزه افهم ايه سبب الالام دى وفيه تحاليل او حاجه المفروض اعملها انا النهارده فى اليوم العشرين للبريود وبدات احس بانتفاخ بسيط فى الصدر المشكله ان قدامى ثلاث شهور وانزل مصر يعنى الموضوع هيتاجل سنه وانا مش عايزه الولاده ان شاء الله اذا لينا نصيب تبقى فى سن مش مناسب انا دلوقتى عندى 32 سنه واهم حاجه يا دكتوره تفهمينى سبب الالام دى ايه

_______________