عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
اخباركم كروشات 😆 🙂 ؟
ياااارب تكونو بخير
انا خلصت اول اسبوع في التاسع ودحين في الاسبوع التاني في التاسع
وقبل يومين صحاني الساعه 6 الصبح آلم قوي في ظهري وبطني بس اول شي بدا بطني بعدين ظهري وحسيت بطني مره قاسيه
واستمر وسار يقوي كل فتره انا قلت يمكن ولاده ورحت شربت عسل واكلت تمر والآلم يخف شوي وبعدين يزيد لين الساعه 11 الصبح
حسيت في البدايه بحركه النونو بعدين جاني زي النبض اسفل بطني مررره استمر يمكن 10 دقايق وراح
وبعدها ماعد حسيت بحركه الجنين
والساعه 11 سويت لي حليب وزنجبيل وشربت قام راح الالم مره
بس امس جاني الم خفيف الصبح وبطني لانت ونزلت افرازات بيضا خفيفه مره اقرب للمويه انا من اول تنزل لي شفافه
واليوم اول ماصحيت برضو جاني الم خفيف في بطني وظهري يجي ساعه ويرووووح ساعات وكان في افرازات بيضا ودحين احس بالم في اسفل بطني بس ورجولي اليسار مررره وشويه في ظهري زي الدوره
والنونو من امس ماحسيت بحركتو وخايفه مررره
انا بكريه مو عارفه شي فهل دا طلق عادي ولا يعني قربت الولاده ولا ايش؟؟
ويااااارب يسعد ويوفق كل اللي ترد عليا
ويسهل لها حملها وولادتها ياااارب
مع ودي
