عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هـدايـا للرجـال
شي حلو إذا ذكرنا شخص بمناسبة تخصنا وأهدينا هدية
والهدية تعكس بشكل واضح ذوق صاحبها
فهالمره بذكر بعض الأفكار تساعد المحتارين باختيار نوع هداياهم
أكيد الأغلبية ملاحظين سهوله ورود الأفكار إذا بغينا نهدي أي امرأة هدية جميلة
لأن الاختيارات لهدايا النساء كثيرة
فهالمره بنشوف مجموعة هدايا للرجال سواء أب او أخ او زوج .. سواءا التقليدي أوالغير مألوف منها
ولا ننسا ان موسم الافراح اقترب ونحتاج الى افكار لهدايا نهديها لاشخاص مهمين في حياتنا
1-الـمـيـدالية
ممكن تكون بفكرة غريبة وان كانت عادية يفضل بأن تكون ماركة علشان تلفت الانتباه
2-صندوق مخصص لحفظ الساعات
3-slippers …
يكون بلون حلو يفضل سادة
4-اذا كان الشخص اللي بنعطيه الهدية مثلا دكتور أو مهندس
ومن هالشغلات اللي تفرض عليه لبس البدلة
فممكن نختارله كرفته
5-ساعه يد ..وصراحة تكون احلى إذا كانت بألماس
6-حافظ البطاقات
وهذي نعطيها للي عنده اكروت عليها أرقام تلفوناته وشغله
بحكم شغلته
7-باقة من المعطرات ولكريمات ممكن تكون للجسم أو للوجه لبعد الحلاقة
8-بجـامة نوم أو قميص للطلعة
9-حلو للأكل مثل :الكاكاو ، كيكة أو حتى بسكوت
10-منظر للمكتب أو للغرفة
11-محفظة
12-عطر ويكون جديد توه نازل وماركه معروفه
13-قلم ماركة
14-حقيبة عمل للأوراق الرسمية أوحقيبة للسفر
وتعطى لشخص عمله يتطلب مثل هالنوع من حقائب العمل
أو حقيبة سفر لشخص كثير السفر
15-كاميرا ديجيتال أو موبايل اخر موديل
طبعا أختار هالهدية ان عرفت ان الشخص عنده موبايل أو كاميرا قديمة
وبالنهاية بذكر شغلتين
تغليف الهدية يلعب دور اكبير فلازم ننتبه على شكل التغليف وتزيينه
وإذا اخترتوا أي هدية ابتعدوا عن الألوان الغريبة ويفضل تستخدمون الالوان الهادية
