عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
………………..
اليوم راح انزل لكم موضوع غير شوي
مع اني ما عمري في حياتي قلت له اوف .. 😡
……………………..
الموضوع لا تخافون مو انتقاد لصاحبات مواضيع الفراشه
لالا
انتقاد عام للحريم اللي يحطون ان في ازواجهم المصايب السبع وهم مظلومات بالحيل بالحيل بالحيل (تخيلوا ناصر القصبي يقولها في شخصية المتسعود ههههههههههههه)
المهم
……………..
انا بتكلم عن الازواج المظلومين
معقول فيه مظلومين؟!
ايه فيه كثير
لكن هم يكتمون ولا كأن فيه شي
………..
راح اذكر لكم في كم حاجه ينظلم الرجال وبعدها بقولكم ليه ..
الرجل مظلوم اذا كانت زوجته نكديه
الرجل مظلوم اذا كانت زوجته تفشي اسراره بغلط ارتكبه
الرجل مظلوم اذا افشت زوجته بعيب فيه يستحي انه يقوله لأحد ..
الرجل مظلوم اذا كانت زوجته ما تهتم فيه ..
الرجل مظلوم اذا كانت زوجته طماعه وما يقنعها شي ..
الرجل مظلوم اذا كان كل سالفه تصير بينه وبين زوجته طلعت السالفه برا بيته ..
الرجل مظلوم اذا كل سالفه تصير تروح الوحده عنده اهلها وتقش عيالها وما تحس انه برضو يحبهم مثل ما تحبهم..
الرجل مظلوم اذا كانت زوجته شكاكه ..وتفتش وراه كل ما غفل عنها
الرجل مظلوم اذا كانت زوجته مجنونه!!
……………….
تحسين ان هذا الرجل عايش كأنه سجين
لكنه في نفس الوقت حكيم
شلون حكيم اقولكم شلون
يعني سبحان الله رزين كله عقل
اذا ما كان رزين وحكيم شلون تستمر مثل هالعلاقات؟؟
يعني تخيلوا الوضع لو ان العصمه بيدنا كان على اي شي انت طالق
ولكن سبحان الله
الحمد لله ان العصمه بيد الرجل
…………….
على العموم
أول شي
اتكلم عن الزوجه النكديه
تلاقينها تنكد عليه في كل شي
ما يمديه يفتح معها سالفه او يجلس ياكل له لقمه الا وفتحت موضوع ينغص عليه
حتى اذا طلعت تتمشى دايم وجهها مكشر والابتسامه تكون معدومه عندها وكأن مصائب الدنيا كلها على راسها
او تنقل له خبر غير سار
يعني نوعية (ما دريتا)
………………………………
ثاني شي
اتكلم عن الزوجه اللي تفشي اسرار زوجها
يعني تلاقون الزوج ارتكب غلطه بحياته سواء كانت خيانه او حتى زله او لقت صور عنده في ايميله
او كشفته وهو على علاقه ببنت
وبعدها تتصلح الاحوال بينهم ويوعدها انو ما يكررها
ولكن السالفه ما انتهت عندها
تلاقين ما تبقي ولا وحده الا وتكلمها عن تجربتها وتفضح زوجها
وهي المفروض تكون ستر وغطاء لا تطلع العكس !!
طيب ولنفرض ان الرجل كان يخون زوجته وتكررت وما فاد الكلام معه
المفروض تحل الموضوع بطريقه سوا تخلي احد يكلمه من اهله او اهلها او تهدده انها ما عاد ترجع له
المهم بأي طريقه ولكن لا تفشي اسرارهم
والله يابنات اعرف لكم وحده تطلقت من زوجها
حتى اهلها لا يومكم هذا ما يدرون وش اللي سواه بالظبط سترت عليه ماشالله عليها
واللي بذمة زوجها خلت سيرته اذا غلط على كل لسان وتلاقينه حديث المجالس (شفتوا زوج فلانه عاد اسمعي الحريم كل وحده بتدعي عليه وبدال ما ينصلح حالها هي وزوجها راح تتدهور العلاقه اكثر واكثر والسبب يمكن يكون مو ورا دعاوي الحريم )
………………………….
ثالث شي
الرجال مظلوم اذا افشت زوجته بعيب فيه يستحي انه يقوله لأحد ..
انا بقولكم ليه قلت هالنقطه
وحده الله يهديها
مره قالت
انو زوجها الله يكرمكم يتبول على فراشه يعني مريض بالله هذي مو حرام عليها تطلع سر مثل كذا حتى لو كان لأمها المفروض انها ما تطلعه واعجز عن التعبير هنا ..انتهى
………………………….
رابع شي
الرجال مظلوم اذا كانت زوجته ما تهتم فيه ..
يعني تلاقينه مسكين
يا غداه بايت
والا بيته وسخ
والا تلاقينها تهتم بنفسها وتنسى بيتها
او تنسى نفسها وتهمت ببيتها
وعياله دايم مو مرتبين
ولبسه معفوس
ما تهتم بأناقته
ياليت الوحده تجمع بين نظافه بيتها ونفسها علشان اذا دخل يلاقي ما يسر عيونه ويطيب خاطره
والمفروض انه يجي من دوامه ويلاقي الأكل حار وطازه علشان المسيكين طول اليوم بالدوام بيموت جوع
والمفروض انها تهتم بأناقته ولازم ثيابه تكون نظيفه ومكويه
اعرف ناس تشوفين رجالهم دايم ثايبهم معفوسه من فوق لا تحت وهي ما همها الاشكلها ومكياجها ولبسها
المفروض ان الزوج اذا فتح دولابه يلاقي الشي جاهز قدامه مو لازم تنتظرينه يطلب منك يا فلانه وين الثوب يا فلانه وين الشماغ ليه ما كويتي ليه ما غسلتي ؟؟
ليه تنتظرين منه كلمات زي كذا وانتي في غنى عنها !!
واهتمامك بنفسك يكون في ريحتك وفيه مظهرك
ما نقول مكياج لا
اهم شي ما يجي وريحتك كشنه
وذا ما مداك اهم شي لا تجلسين معه وريحتك تفوح بصل يعني روحي تسبحي كلها خمس دقايق واللبسي لبس نظيف وتعطري واجلسي عنده
حاولي لما يجي من الدوام تهتمين فيه
تهمزين رجله تسوين مساج ترى الرجال يموتون في هالشي
………………………….
خامس شي
الرجال مظلوم اذا كان كل سالفه تصير بينه وبين زوجته طلعت برا بيته ..
يعني تلاقين كل صغيره وكبيره تصير في بيته سواء مشاكل او امور خاصه برا بيته ما تحفظ هذا الغطاء بينهم مع ان الشرع امرنا اننا نحفظ هذي السوالف الخاصه وحذرنا من وصولها لمسامع الناس
خلينا نتكلم عن المشاكل
اللحين مثلا جت وحده نزلت مشكلتها في المنتدى في عشرين وحده على الاقل بترد عليها وكل وحده لها رأيها الخاص
اللي بتخليك تحلين مشكلتك واللي ممكن توصلك للطلاق بحلها الاهبل
تخيلي وانتي جالسه مع عشرين حرمه في مجلس عادي هل من المعقول انك تطلعين مشكلتك الخاصه قدامهم وتطلبين الحل ؟؟ اتحداك مستحيل تسوينها اجل ليه تسوينها بالمنتدى
اذا كان عندك مشكله خاصه استشيري وحده تثقين فيها وتكون عاقله ورزينه ما تخلي مشاكلك تتفاقم اكثر واكثر يعني انتي مو ناقصه ..
……………………
سادس شي
الرجال مظلوم اذا كانت زوجته طماعه وما يقنعها شي ..
يعني يعطيها وما تقول الا هل من مزيد
هات هات مافي خذ
مافي تقدير انو هالرجال المسكين ما جاب هالريال الا من وراء تعب وشقى وهي تجي بكل قسوه ومافي الا طلبات وطلبات يعني تكسر ظهره
كل اسبوع تلاقينها في السوق
واذ مناسبه تخصها والا ما تخصها لازم فستان جديد تقول الناس فكروا فيها وفي لبسها
والا لازم اي مناسبه يقربون لي لازم كوفير وتسريحه ومكياج
ولا تنسون مستحيل تسوي الحفله اللي سوتها بنفسها لازم تتصور نهاية الزواج عند المصوره اللي جت تصور العروس وكله من وين من جيب هالرجال ومضطر انه يدفع وش بيقول لزوجته تصرفي والا تسلفي ما يصير !!
…………………………….
سابع شي
الرجال مظلوم اذا كل سالفه تصير تروح الوحده عنده اهلها وتقش عيالها وما تحس انه برضو يحبهم مثل ما تحبهم..
في حريم من اتفهه الاسباب تهرب عند اهلها
يختي فكري وتخيلي احد يبعد عنك عيالك لا سمح الله
ليه انتي تبعدينه عن عياله ليه الأنانيه ؟؟!!
انا اتكلم عن اللي يهربون من اتفهه الأسباب..
………………………………….
ثامن شي
الرجال مظلوم اذا كانت زوجته شكاكه ..وتفتش وراه كل ما غفل عنها
يعني تلاقينها مفصفصته تفصيص
المحفظه والجوال والايميل
تنبش وراه وفي النهايه ما يتعب الا هي
لأن ممكن يكون زوجها مظلوم وما عنده شي ..
……………………..
تاسع شي
الرجال مظلوم اذا كانت زوجته مجنونه!!
يعني بس تصارخ عليه
على عياله
الهدوء لا يعرف طريق اليها والى منزلها هههههههههههههههههه
طاح البزر بدال ما تقول بسم الله تصرخ
انكسر شي بالارض تصرخ
تكلم زوجها تصرخ
والله ما ابالغ اني اعرف لكم وحده كذا ودام في وحده كذا اكيد في الف وحده مثلها
ههههههههههههههههههههههههههه
ويقول بنفسه وكله أسى ليتني ما طلبت احسن
……………………………..
على العموم انا طولتها
ولكنها كلها نقاط مهمه جدا وفيه غيرها اكيد بس ما حضرني حاليا الا هي
والله يسخر لنا ازواجنا ويبعد عنهم بنات الحرام
ويرزق كل وحده ما تزوجت بزوج صالح اللهم آمين
………………………………..
قبل ما اختم
كل اثنين لازم تصير بينهم مشاكل وهذا شي طبيعي واللي تقول انا وزوجي ما يصير بيننا شي وما نتهاوش كذابه
ولكن الاشياء اللي ذكرتها كلها بموضوعي اعمدة العلاقه الزوجيه اذا طاحت ما راح ترتكز هالعائله بإختصار راح تسقط وتنهدم
تهاوشوا وتراضوا ولاحد يدري عنكم يكون افضل
…………………
اتمنى اني كنت خفيفة عليكم
أختكم في الله
أم البتول2006
اللي كانت متهاوشه مع زوجها علشان لاحد يقول ام البتول مسويه نفسها ما تتهاوش مع زوجها ههههههه
هههههههههههههههههههه
………………………….
