اعذروني هـ الحكي له أيام في قلبي ودي أبوح فيه .. !! آآه يالحوادث .. !!

..

السلام عليكم و رحمة الله و بركاته

..

بـ صراحة أنا كتبت موضوعـي هذا بدون لا تنميق ولا شي
اعذروني إن كنتوا جد تحبُّوا مواضيعي

أنا بإذن الله راح استمر على ما تعودتوه مني ..
بس هـ المرة أبي احكيلكم عن موضوع حسَّاس و مؤثر جداً بالنسبة لي ..

لأني اعتبركم خواتي و و الله غاليات عليّ كثير
أبي الكلام اللي بكتبه هنا , توصلونه لأخوانكم و آبائكم ..

و الله يا بنات أكتب لكم و الدموع بـ عيوني
و لو مو ماسكة نفسي كان بكيت

..

و لله الحمد على قضائه و قدره أنا فقدت ناس غالين في حوادث مرورية
كنت و الله صابرة حيل و مؤمنة بـ قضاء الله و ما عمري بكيت
لأني احتسبت و صبرت ولا جزعت

بس في يوم من الأيام بعد ما سمعت خبر وفاة شخص قريب
كان أصغر مني بسنة
مات في حادث مروري شنيع و الله انصدمت صدمة حياتي كلها
بكيت من قلبي بكا أول مرة أبكي على شخص كثره
مع إني و الله ما أعرفه مرة , ولا عمري شفته ..

بس يمكن لأنه سبحان الله جاء لأول مرة لـ بيتنا , راح جدة و الرياض ..
.. أخذ العمرة و جاء للشرقية و رجع للجنوب ..

سبحان الله كأنه مودِّع ..

يوم سمعت الخبر .. و الله ثم و الله انصدمت و بكيت ..
فعلاً محد بيحس باللي حسيت فيه إلاَّ اللي فقد غالي و عزيز في حادث مروري ..

أنا ما جيت هنا عشان أحزنكم و أضيِّق صدوركم
أنا جيت ودِّي صوتي يوصل للجميــع

أبي هـ اللي مو حاسِّين بـ خطر السرعة ينتبهون , و يخففون ..
و الله ما أبي أفقد أحـد ثاني ..

لا تستهينوا بـ كلامي .. ولا تقرأوني على عجل ..

..

افهموا معنـى فقد غالي , أنا و الله ما فيه شي بالدنيا يهزِّني و يبكيني ..
و يألِّمنـي , غير ( فقد غالي ).. !! << الموت أصعب شي بالنسبة لي ..

و أكيـد كلنا لنا قلوب و نحس .. !!

..

الأب اللي يسرع و يتهوَّر وينه .. ؟!
وينه خل يسمعنـي بس لحظة .. !! لو دقيقة بس يلفت نظره لي ..

يا أختي إن كان أبوك من اللي يسرعون جنبك و إنتِ تقرأين موضوعي ..
.. خليه يقرأ كلامـي شوي ..
و إنتِ يا أختي إن كان أخوك يسرع كثير خليه يقرأني شوي بس ..

..

أبيك يا أخوي , تخييل معـي ..

و إنت تخرج من البيت و ما أمداك تمد رجلك اليمنى بـ تطلع ..
إلاَّ و هناك في إحدى الغرف ( قلب )..
من طلعت من باب الغرفة اشتاق لك ..

هناك ( قلب أمك ).. !!

على نار .. !! على جمر .. !!

تنتظر متى ترجع , تعد الوقت بس و تسأل : وينك يا فلان .. !!

حرام تقتل قلبها بـ ( موتـك ).. !!

..

شوف كثر الناس اللي راحوا بـ سبب هـ الحوادث ..
و عد و احسب كم قلب ( أم ) تفطَّر من الحزن و البكا ..

تبي أعيِّشك الجو الأليم صح .. !!

تخيّل معي إنسانة كانت قوية شخصية جداً , كانت بالحيل قوية ..
و الله هو القوي العزيز ..

تخيَّل , على قوة شخصيتها و طولها و قامتها ..
انهارت .. و ضعفت .. هذه اللي عمرها ما بكت قدام أحد ..
و الله صارت تبكي الليل و النهار ..

هذه اللي كان يضرب فيها المثل في الجمال و القوة ..
صارت أضعف ما يكون ..

كان عمرها مثل عمر أمك , بس قبل لا تفقد غواليها اللي يشوفها يقول هذه لسَّى في الـ 30 ..
بس بعد اللي راحوا ( كأنها في الـ 60 ).. !!

تخيَّل هـ الموقف ..

زوجها مات بـ سبب كثرة تدخينه و بعد بـ سبب خطأ طبي ..
تخيَّل معي يعطونك حبوب سكر و إنت أصلاً ما فيك سكر ..
بس خطأ طبي ما عرفوا يشخصون تعبه صح ..
انتفخ جسمه , و صار بالمرة مخيف ..
و رئته عليها السلام .. من كثر ما كان يدخِّن بـ شراهة ..

بعدها ( مات ).. !! في أيام عيد الأضحى .. !!

و شوف حالتها كيف صارت .. !! ( الفاجعة قوية )

بعدها في شعبان , مات ولدها في حادث مروري .. !!
و شوف كيف ضعفت أكثر .. !!

و بعدها في شعبان السنة اللي بعدها أيضاً مات ولدها الثاني في حادث مروري .. !!
بعد ما كان في العناية المركزة في غيبوبة ( نزيف في المخ ).. مات .. !!
كانت متعلَّقة فيه بالحيل , لأنه ما بقى لها أي أحـد في البيت .. !!

بس كلهم ماتوا .. !!
و صارت وحيدة .. !!

تخيَّلت معي كيف الوضع , و أمك في البيت وحيدة ما معها أحـد .. !!
بعد ما كان البيت مليان إزعاج و فوضة .. صار فاضي .. !!

بناتها متزوجات .. و أولادها في القبور .. من الحوادث المرورية .. !!

اش نقول غير : الله يرحمهم .. !!

..

بس أبيـك تعيش الموقف صح .. !!
تتخيَّل أمـك و هي تبكي عليك , و تصيح .. !!
ترضاها بـ الله .. ؟!

تستاهل أمك تبكيها عليك لـ ذا الدرجة القوية .. !!
و السبب ( سرعة جنونية ).. ؟!

..

وين قلبك و إنتِ تدعس ع الـ 200 و منطلق .. !!
وين تفكيرك .. ؟!
وين موقع أمك من الإعراب بـ الله .. !!
تدري و إنتِ تدعس ع الـ 200 كأنك تدعس على قلب أمِّك بالضبط .. !!
هذا شعورها لا عرفت إنِّك تسرع و تتهور كثير .. !!
كأنِّك مثل ما تستمتع بالسرعة , قاعد تستمتع بالضغط بكل ألم على قلب أمك .. !!
..
يمكن ما تعرف حجم الألم صح .. يبيلك تتلقَّن درس حياتك كلها .. !!
يبيلك تحس بـ ( معنى فقد غالي ).. !!
يبيلك و إنت تسرع .. ما تموت , لا .. !! يبيلك درس قاسي عشان تصحى .. !!
بس عساك ما تشوفه .. !! ولا تعيش أي لحظة حزن و ألم في حياتك ..
و الله صعب إنك تفقد غالي بـ ذا السهولة ..

صعب .. يموت لنا غالي , بسبب سرعة .. !!
وين كان عقله .. ؟!
كان متحدي .. !! يتحدى واحد بـ مثل حجم عقله .. !!
مين يسبق الثاني .. !!
طلعوا كلهم يتسابقون ع الموت .. !! و إنت يالمسرع سبقته على قبرك .. !!

سبحان الله

..

..(( إذا ماتوا راح يعرفون إن الله حق ))..

..

يمكن يطول الكلام في ذا الموضوع .. لكنِّي باترك بقية الحديث لكم ..
شوفوا هـ المقطع .. و ياليت بعد ما تشوفوه تعلِّقون عليه ..
خلُّوا قلوبكم هـ المرة تنطق .. و خصوصاً الشباب .. ( أمل المستقبل )
أبي أشوف اش ردَّة فعلهم يوم شافوا هـ المقطع هذا ..
تأثَّروا ولاَّ ( على قلوبٍ أقفالها ).. !!

http://www.youtube.com/v/rwOonjncxvs?version=3

أسأل الله الرحمة و المغفرة لأموات المسلمين و المسلمات