اعتراف زوجي لي ونفسيتي التعبانه

اخواتي اريد مساعدتكم..

القصة و بدون مقدمات, انو زوجي اعترف لي انه من فترة شهر راح مع اصدقاءه و واحد من اقربائه على مرقص والعياذ بالله. وهو يقولي انو حاسس بتأنيب الضمير لانه عمل هيك اولا ولانو اخفى عني الموضوع ثانيا.

وانا رح اجن ما اشتغل غير البكي ونفسيتي بالارض,, لدرجة انو عصب مني فوق عملتو وقالي انو ما كانا لازم يقولي علشان ما اقلبها مناحة.

وهو كان خايف من ردة فعلي, وانا ما بايدي شي غير سامح بس ما عم اقدر!!! بقلبي جرح

هو حلفلي انو كل اللي صار انو متل سهرة عادية بس في بنات يرقصو مع الرجال و حلفلي انو ما صار اكتر من كده,

وبرايو انا لازم اسامح و انسى اللي صار و يقعد يقارن هالشغلة باي غلط انا غلطو معاه من قبل و سامحني و ما يفهم انو هي وين و هديك وين,

انا اشوف هي خياااااااااااااااااانة و هو لا, انا بجد اول مرة احس نفسي ضعيفة و ما بايدي شي, يا ريت الله يعطيني القوة اقدر اتركه و اطلع من حياته و ارميه من حياتي, بس ما اقدر علشان بحبو, و هو بيعرف هالشي و بيعرف نقطة ضعفي و مستغلها تمام والا ما كان تجرأ يعترفلي..

صبايا انا بجد روحي تجي تطق, ما عم اقدر اتخيل الموضوع , و الابشع اني صرت حاسة اني عايشة مع شخص قادر يعمل اي شي…. مع انه وعدني بعمرو ما يصير شي من هالنوع بس هو ما يعترف انه كذذذذذذب علي, هو يقول انا خبيت مو كذبت.

وطلب مني اسامحه و قلتلو سامحتك ولا عاد تعمل هيك ووعدت واني ما عاد افتح الموضوع بس انا قلبي مو مسامح و الدمعة بعيني .

ياريت الله يعطيني القوة اتركه , انا ما افهم موضوع نزوة وعابرة ومدري شنو, اللي يسرق بيضة بيسرق جمل

وهو بدا يتعصب مني كمان فوق عملتو, اني مكبرة الموضوع و انو ماهي هالشغلة الكبيرة وانو مو لازم كل هالبكي

وصار حتى ما يواسيني لما ابكي يقولي يالله كملي بكي و يتركني و يروح لان قال ضاق خلقو من زعلي.

قولولي شو بعمل,,, ما اقدر اسيبه, بس بنفس الوقت الشك و الغيرة ذابحتني, و حاسة حاالي ببداية مرض نفسي

زوجي من النوع الصعب كتييييير, يعني ما ينفع اتقل حالي عليه. فورا يقلبها مشكلة او يحرد عليي, يعني على مستوى اذا رديت على التلفون وما قلتلو اي حبيبي يتعصب, واذا قلي مشتقلك و ما قلتلو انا كمان رايح يقولي الحق عليي اللي احكيتلك و ما كان لازم اقلك و من هالحكي وانا جد اضعف من الضعف قدامو , وفوق هاد لازم اعامله عادي ما ابين شي, شو فيني اعمل!!! الله يصبرني وما عندي صبر

حاسة اني مش ممكن اصدق كلمة يقولها لو يحلفلي عالمصحف الشريف, بحس انو اي كلمة بتطلع من تمو رح تكون كذب وانو ممكن يعمل اي شي باي لحظة . دايم هو بيعرفني ما رايحة اعمل شي معاه

انتو برايكم مو هي خيانة؟؟؟؟

و انصحوني شو اعمل وشو اتصرف معاه؟