عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم احببت هذا المنتدى كثيرا واني متابعة موا ضيعه في جميع الاقسام بالرغم من قلة دخولي النت
المهم بعرض عليكم ماساتي التي اعاني منها من كم شهر وهو احساسي بضيقة واكتئاب وكنت اخفف عن نفسي بالخروج من المنزل اما بنزهة مع الاولاد وزوجي او الذهاب لأهلي يعني مريتين بلأسبوع مع الوقت زادت الحالة اصبحت ماطيق قعت البيت لو جلست يوم واحد اكون جداعصبية واتنرفز لاتفة الاسباب وكنت ادور اي حجة عشان اطلع حتى لو اروح الصيدلية 10 دقايق وارجع
ولو كان الوقت متأخر يعني مرة حاولت اشغل نفسي بالبيت والاولاد بعد مانامو وجت الساعة 12 باليل دقيت على اهلي ورد علي اخوي قلت في احد صاحي عندكم قال انا وامي اشوي بتدخل تنام قلت خلاص انا جاية ( احد يسير باليل ) المهم حاولت بزوجي انه يوديني بالبداية رفض لكن اصريت وقلت الاولاد نامو وانت الحين بتنام وبكون لحالي ودني واخوي برجعني وافق مع ان امي كانت مستغربة جيتي لكن والله احس اني ماارتاح الى اذا طلعت من البيت
ومرة في هذا المنتدى قريت موضوع عن الرقية الشرعية وكيف الواحد يرقي نفسة وكان فيها اني اشرب موية مقري فيها او موية زمزم وقت الاذان والالتزم بقراءة القران والاستغفار 1000 مرة وقيام الليل صحيح بالبدية احس براحة وخصوصا بلليل ولكن باقي الليوم الضيقة الي فيني زادت اكثر وصرت ما اقدر اقرا القران اليوم الجمعة غصبت نفسي واصريت اني اكمل قراءة سورة الكهف والله يا بنات اني لما وصلت لصفحة الثانية ما قدرت اشوف الكلمات من كثر دموعي واقراء وانا ابكي وكنت لوحدي بالغرفة ودموعي تنزل بغزارة وخايفة احد من الاولاد يشوفني ويسألني ليش تبكين وانا نفسي ما ادري وبعدها لما خلصت حسيت اني ابي انام مع اني مو نعسانة وصرت افكر بالطلاق كثير والله يابنات اني اجلس مرات مايجيني نوم ادور حجة مقنعه لاهلي علشان انفصل عنة مع الرجال ماغلط علي بشي بس كذا احساسي اني اذا اطلقت بأرتاح وحتى زوجي لاحظ تغير علي اني لاشفته بس أتأفف والله صدمني لاني ما اشتكيت لة بلي احسة ودايم يسسألني انت زعلانه من شي ارد بنرفزة لأ شايفني اشتكيت يقول لأ بس شكلك
يابنات اليتساعدني بالدعيلها اخر هالليلة الفضيلة الله يفتحلها ابواب الرزق والسعادة الي تدلني انا وش فيني وايش الحل لاني احس اذا استمر الوضع كذا بخسر بيتي وزوجي ولو تسألني تبين تبعدين عن اولادك اقول لا لكن الافعال غير والله صرت ما تحمل وجودهم عندي مكان واحد واغلب وقتي لحالي مو على لساني اطلعوا عني – انا تعبانه- ابي انام – حتى ولدي عمرة 9سنوات قال ياماما انتي دايما تعبانة-
يافرشات دلوني على حل قبل ما افقد كل شي:P الله ينورلها حياتها الي تساعدني
