اشياء احبها وما استغني عنها في بيتي (( تصويري الخاص ))

كيفكم يا فراشاتي العزيزات..

الموضوع من عنوانه اشياء عندي بالبيت ويمكن تكون مو جديده بس من جد احبها وما استغني عنها

ويمكن وحده تشوف منها شي ويفيدها….

نبدا بأسم الله

أولا :

لابتوبي العزيز ( ديل لونه احمر ) وهديه من زوجي…

ثانيا :

كاميرتي اشتريناها قبل ما نسافر ماليزيا ب 1800 سوني مميزه مره وتصور حتى تحت الماء

ثالثا:

هادا الاختراع لقيتو بالصدفه في محل السوق المفتوح..

مررره مفيد احط في العلبه فير وشوية كلوركس وشويت مويه وهات اضغط وغسل ولا أحلى

رابعا :

اشتريتها عشان شكلها عجبني وبعدين عرفت انها تقص المخبوزات بشكل جيد جدا..

رابعا:

مدري تعرفوه او لا هادا وحده من خالاتي اضن راحت الخاسكيه او البلد او المينا وجابت لبناتها وجاتني زياره
جابتلي هو وطلع حظي اللون دا مرررره حمااس..

خامسا :

عرفتو ايش دا؟؟

فاكرين رجاء الجداوي (( الفيرور)) هع هع

هادا تخيلو من فين؟ من الحج….!
من جد زوجي جابه ولا شفتو غير لما جينا البيت
يقول اشتراه من عند الاتراك مدري مين الي يجو في الحج يفرشو ويبيعو اشياء صوف..
وترا غااالي مو رخيص..

سادسا:

ياانااسو ( شريته من ماليزيا …. بس اقوللكم اني احب دي الاشياء وما استغني عنه ابدا..

سابعا :

لايخلو منزلي من بخاخ جف الاصفر ( كدا اسميه لزوجي) منجد رهيييب نظافه وريحه حلووه وامسح فيه اي شي سريع سريع مغاسل , رخام المطبخ , البانيو ,,,فققط رشي ثم امسحي..

ثامنا:

معطر المنزل بريحة الورد الطايفي من عند خالتي ام زوجي بعد ماشميته عندها جابتلي زيه من المدينه

تاسعا :

هاذا من جد حبيييته هو عباره عن زيت جوز الهند… وع …كدا قلت اول ما قالي عنه الرجال في ماليزيا قال ..
كوكنات اويل وانا ما اطيق ريحة زيت جوز الهند بس دا خالطين معاه زهوور ريحته مررره روعه
ومفيد يابنات استعملته للقدمين ( نعوووومه وانسي القشور والتشققات ) وينفع للشعر والبشره وكل شي

عاشرا :

قناع الزنجبيل برضوومن ماليزيا ياريتني جبت منه كرتووون
قناع للتفتيح البشره والجسم

الحادي عشر:

واكس وبودرة لرسم الحواجب من مكياجي أختها كدا تجربه وطلع 😡

الاثنى عشر:

هنا انا اقصد فانش الابيض من جد ما استغني عنه في غسل الملابس البيضاء
يخليها نظافه وبياض ولا عاد استخدم النيله ( الزهره )

الثالث عشر :

ههههههههه عجبتني عند يابلاش اضن وشريتها طبعا ما فيها كهربا يعني مويه فاتره بس
اشتريتها لزوجي لانه لازم يفصل المويه من التلاجه مررره تزنن صغيره على الطاوله وحطيت جنبها الكاسه
عشان تعرفو حجمها….

الرابع عشر :

وانتو بكرامه …. زباله عاديه صغيره والي عاجبني فيها سطل جوا
هادي انا حاطتها جنبي على الرخامه وانا اغسل ارمي فيها وبعدين انقل للسطل الكبير برا..

الخامس عشر :

راح تقولون يا قدمك ياجيجي

بس من جد فرحت لما لقيتها

انا فاكرتها من ايام بيت جدي وهي

عرفتوها ..
الي

مررره فرحااانه فيها استخدمها للكنس السريع وخصوصا بعد الغدا اوبعد الاكل او لما ينكب شي
او للمطبخ بدل ما اجي واجر مكنستي الكهربا…..

والحمد لله خلصت
😆 🙂
واسفه اني تعبتكم
وطولت عليكم

بس الله الله بالردود الزينه لأني تعبت بصراحه تحميل

هههههههههههههههههه

تقبلو تحياتي
🙂