عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اشلونكم خواتي
والله تعبانه محتاجه افضفض انا من جم يوم كتبت عن مشكله طلاقي
والحمدلله عندي يقين بالفرج وان الله بيهديه وبردني
بس تعبت تعبت من الهم والتفكير
ولدت وطلعت من النفاس وانا مطلقه احلامي تلاشت خططي باني اروح معاه الفندق واني كنت ناويه اجهز قمصان نوم وكريمات العنايه والتبييض والصالون
ااااه كنت مخططه لاشياء وايد
احلامي تلاشت بدال لا افرح بولادتي ونفاسي تنكدت هم وقهر وبجي طلعت من نفاسي على ضيقه وهم وقهر بدال لا اطلع عروس اااه ياربي رحمتك
ثنتين اعرفهم ولدوا معاي عليهم بالعافيه طلعوا من النفاس لي بيت ازواجهم وانا في بيت اهلي مطلقه والله اكتب ودموعي على خدي جني بحلم
ياربي ارحمني ارحمني وفرج عني
وامي بروحها مريضه توها طالعه من المستشفى ونفسيتها تعبانه كل يوم تبجي عشاني وتدعي لي
اشتقت لزوجي اشتقت لحضنه اشتقت لشقتي اشتقت لسريري ياربي رحمتك يارب رحمتك
ليش يا زوجي تظلمني ؟جذي تهون عليك العشره وتطلقني
كان ممكن تعاقبني بالهجران مع ان غلطتي موكبيره
كل الازواج تحصل بينهم مشاكل مارحمتني وانا حامل وكسرت بخاطري وبخاطر عيالك
الناس يتمنون ظفر ياهل وانت عندك ثلاثه
والله عيالي نفسيتهم تعبانه يبون الرده يبون يرجعون البيت كلموه مو راضي يطيع
والبيبي كاسر خاطري
احس جني بحلم
ادعوا لي ان ما يمر هالاسبوع الا وانا راده لزوجي ويكف عني شماته الناس
تكفون ادعوا لي ان الله يسخر زوجي ويلينه ويردني عاجلا غير اجلا
اللهم رد لي زوجي ردا جميلا
اللهم ياجامع الناس في يوم لا ريب فيه اجمعني بزوجي
ياربي طلبتك لاتخيب رجائي يا قادر ياكريم استجب لدعائي طلبتك ان ما يمر هالاسبوع الا وانا راده لزوجي
يا ارحم الرحمين يا ارحم الرحمين يا ارحم الرحمين
ربي لاتحجب دعوتي ولاترد مسالتي ولا تدعني بحسرتي
ياربي يا حبيبي ردني لبيتي ولزوجي معززه مكرمه ياقادر ياكريم الطف بحالي وحال عيالي
