عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم يا امهات الكروش
شورايكن نكتب عن قصص ولادات كل وحدة ومب
اي ولادة الولادات الخاصة يعني باختصار مفجع
ولادات اطفال والحمدلله تعبانين وإلا مرضى؟؟؟!!
اشلوووووووووووووون يعني الحمدلله وايد منكن ولدن اطفال اصحاء ووايد والحمدلله على كل حال ولدن اطفال غير اصحاء كيف شعوركن وكيف واجهتن الموقف انتي وريلج ؟؟ يا بنات مب الام اللي تحمل وتتربي وتنتهي عندها فترة الحمل بطفل صحي وجميل يملي عليها الدنيا بس الام هي اللي تولد وتتفاجأ بطفل غير صحييييييي
وتتتتتتتتتتحمممممممل؟؟؟ فهمتوا شو قصدي…..
ابدى معاكن قصتي انا ومب قصدي اكسب الشفقة لا والله اباها عبرة ودرس والكل يستفيد من تجربتي…
يالله من الأول بسم الله
كان عمري 17 سنة يوم حملت بولدي الحبيب .. .. زايد …. فديته وفي الشهر السابع عرفت الخبر المؤلم اللي تفاجأت فيه اني حامل بولد في راسه ماي اسمه ( استسقاء الدماغ ) المهم ولدوني قيصري في اليوم الأول من شهري التاسع وكنت وايد متروعه ( خايفة ) من كيف بيكون منظر ولدي وعلى قولت الدكاترة انه راسه يكبر من سبت الماء اللي في راسه :043: بس تفاجأت انه ولدي كان طبيعي …بس هذا توهمي لأنه كان في اول ايام ولادته عقب اسبوعين في العناية المركزة كبر راسه ومافي داعي اخبركن شعوري وانا اشوف ولدي بذاك المنظر .. الحمدلله سووله أول عملية جراحية في المستشفى وكان عمره 20 يوم فقط كانت امي معاي طول الوقت فديتها:066: وكسرت خاطري لانها متفاجأ بولدي بس الصراحة انا تعلمت منها الصبر كل ما اشوفها متحملة اشجع نفسي على الصبر والشكر لله على اي حال لأن يا اخواتي الله يختبر العبد في المصائب والله اذا احبه عبده يبتليه ليرى هل يشكر ام يذم …………
المهم سووو لولدي 3 عمليات جراحية وفي كل مرة اطلب من ربي انه ياخذه عشان ما يتعب اكثر من العمليت ( استغفر الله ) المهم الغاليات قعدت فترة 3 اشهر في المستشفى طلعت وولدي معاي واحافظ عليه وما حملت بعده كرست كل وقتي له حتى صار الحمدلله مثل الطفل الطبيعي وما تشوفون اي فرق لا براسه ولا بجسمه الا اشياء بسيطة اتم اراجع المستشفيات اول بأول واهتم باخر تطورات هذا المرض وولدي ما شاء الله عليه ذكي وخفيف الدم والكل يحبه عشان سوالفه ما شاء الله عليه ….اعرف اني طولت عليكم وايد واكيد الحامل ما تبى تقرا ها الموضوع عشان ما تخاف بس انا احاول اساعدكن لأن فترة الحمل فترة حساسه وحتى لو الام حاولت تهتم والله مب مقدر لها تحمل بطفل صحي تحمد ربها لان هذا اختبار من الله وبيعوضها اللحين في الدنيا أو في الآخـــــــــــــــرة …
واسمحولي طولت عليكم
