استفسارات عن الزواج + دعوات قلبيه للي تريحني وتساعدني

مدري من وين ابدأ لكن كلي عشم فيكم انكم ماتخيبون ظني

والله في عون العبد ماكان العبد في عون اخيه ..

بنات انا ماعندي خوات الا صغار بالابتدائي وانا فالجامعه وزواج اخووي باقي له اسبوع !!

وزياده على كذا مانحضر زواجات يعني مادري وش بنسووي بالزواااج !!

والله مادبر شي ماعرف شي تعرفون احنا اهل المعرس يعني احنا اللي في الوجه

ابي اسألكم عن اشياء واتمنى تقولون لي كل شي بالتفصيييل الممل
واذا عندكم اشياء زياده قولوها حتى لو ماسالتكم ..

ابي اعرف اول شي احنا حجزنا طقاقه قبل شهر تقريبا وخايفه تسحب علينا وودي ااكد لها كل شوي بس خايفه اتصل عليها كل شوي
يعني عادي اكلمها اليوم وااكد لها الموعد واقولها لا تنسين وكذا ؟؟

ثاني شي انا خااايفه مرره من الطقاقات انهم يفشلون اهل المعرس انا اسمع كذا

يعني وش تنصحوني اقولهم اول مايجوون وكييف استقبلهم ومتى اعطيهم فلوووسهم

واي شي يخص الطقاقات قولوه لاني والله ماعرف شي ومدري وشلون بيصير الوووضع 🙁

وبعد بالنسبه للاغاااني اللي نعطيها الطقاقه عشان تغنيها

وودي ارتبها بوورقه

مثلا اول اغنيه ترحيبيه
وثاني اغنيه بمين باسم المعرس او العرووسه ؟؟

يعني ابيكم ترتبوون لي الاغااني لاني مدري يبدون يغنوون بميين

ابيكم تحطون لي قائمه بالاغاااني خمس او عشر اغاني عالاقل وتقولون بجنب كل اغنيه تغنيها بمين ؟؟

وفي شي مهم احنا طلبنا طقاقات بدون مدح بس قلنا لهم مدحين بس اللي هي بالعريس والعرووسه

يعني ابيكم تحطون لي اسم اغنيه ترحيبيه حلوووه
واثاني اغنيه حلووه باسم العررريس
وثالث اغنيه للعرووسه

وابيكم تعطووني اسماء اغاني حلووه للرقص وجديده

لاني ماعرف بالاغاااااني ابدا الحمدلله
ومحتاجه اعرف الحين عشان اطلبهن للحضور

اتمنى فهمتم علي تكفوون لاتخلووووني الله يسسعدكم

وفيه بعد انا بطلب وردة الشوكولاته من ام فهد اللي هي هذي

ووش رايكم متى اوزعها الساعه كم وودي اشغل عليها اغنيه حلووه وانا اوزعها يعني تكون مناسبه لحركة الوورده

عشان تكون حررركه حلوووه

طبعا ناويه انا اوزعها على اللي بالمنصه ثم اعطيها العامله توزعها على باقي الحضووور ؟؟
ووش رااايكم كذا حلووو ولا لا ؟؟

فييه اشياء كثيره ببالي محتاره مدري كيف لنها اسئله سخيفه بس لاني ماعرف شي ودي اعرف كل شي مابي نتفشل عند الناااس

ابيكم تقولن لي كل شي من بداية الزواج ووش نسووي الى نهااايته

وش الاشياء اللي نتجنبها

ووووكللل شي قولولي كل شي كان الزواج زواجكم وانتم بترتبون ذاك اليوم

قولولي الساعه الفلانيه استقبال والساعه الفلانيه كذا والساعه الفلانيه توزيع الورده والساعه الفلانيه يبدا الطق

ادري يمكن بعضكم يستهين باللي كاتبته ومايشوووفه شي بس والله انه هم مايعلمه الا الله

حتى اني قلت لاهلي شي ماحنا بقده ليش تسوونه ؟ ليش ماخليتوه عائلي ارحم لنا واحسسن ؟!

بس وش اسوووي

بس الله يسسسعد ويرزق اللي ترد من حيث لاتحتسسسب وينولها مرااادها ياحي ياقيييوم

دعووووووات قلبيه صاااااادقه للي تدلني وتريحني