عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بنات انا عندي بنت خالتي هيه من جنسيه عربيه اتولدت تقريبا بعام 1986 بمستشفى الملك فهد بجده
و من يومها ماطلعت شهاده ميلاد من السعوديه و في جواز سفرها مكتوب انها اتولدت في بلدها( يعني مو مواليد السعوديه ) و تبغى الان تغير و تروح على مستشفى الملك فهد و تطلع لها اوراق ولاده علشان تطلع شهاده ميلاد سعوديه بمحل ميلادها الاصلي .
السؤال الان .. هل بعد السنين هذي كلها ممكن تحصل على اوراق من هذا النوع يعني رح يكون عندها ملف محفوظ بالمستشفى ؟ علما انها تمتلك اوراق قديمه من المستشفى ( ورقه التبليغ عن الولاده ) و ورقه عمليه الولاده لانها اصلا ولدت بعمليه قيصريه.
السؤال الثاني هل الاوراق اللي رح تصدر من المستشفى رح تكون محتويه على بيانات الولاده ( يعني بالضبط متى ولدت ؟ ( ادري السؤال اهبل شوي بس البنت شغلتني تبغاني احطه لها )
انا بصراحه ماعندي فكرع عن الموضوع و ما اقدر افيدها الا عن طريقكم .. بس يسير تستخرج شهاده الميلاد على طول من الجهات المعنيه بورقه التبليغ عن الولاده ؟
و اخيرا هيه الان بيكون عمرها تقريبا 24 سنه و تبغى تكون مبتعثه عن طريق شغلها و تبغى تصغر عمرها 2 او 3 .. و بكل جنان راحت اضافت على ورقه التبليغ عن اولاده خط عند تاريخ اولاده يعني بدل ما تكون مواليد 1405 سارت 1409 الخط مبين طبيعي و طالع انها فعلا مواليد 1409 بس هيه الان خايفه تسير لها مشكله من الموضوع هذا
و اخيرا بنات ايش الاوراق الطلوبه عند استخراج شهاده الميلاد ؟
ادري طولت عليكم بس ايش اسوي و الله شغلتني و تبغى تعرف كل النفاصيل
و شكرا لكم مقدما 
