استحي من خطيبي

بنات فيني طبع مو حلو استحي من خطيبي وايد اهوه من اهلي و عطونه اهلي فرصه قبل الملجه نكلم بعض عشان نفهم بعض ونجوف اذا احنه مناسبين حق بعض او لا كلمنه بعض مده 6 شهور لانه ماكان في باله يتزوج واهوه مو من ديرتي انه بحرينيه و اهوه سعودي ( فضحت روحي )جافني و انعجب و قال ابيها بي خلونه نكلم بعض هالفتره عشان يتجهز و الحين ملجنه وصار لنه فتره الملجه 3 شهور بعد استحي منه مادري ليش احسه ساعات اهوه تملل 😆 وانه حاسه بهالشي كلمته و قلت له ادري اني استحي مادري ليش تمللت مني قال لي لا و قلت له احلفك بالله قول قال لي بصراحه شوي 😉 عاد اهنيه قلت خلاص بيشرد الريال اهوه فقير كل شي يسويه لي يشتري لي اللي ابيه الاكل ياكلني حتى لو قلت تعبانه يهمزني حتى ينسل شعري و انه استحي واااايد مره حاولت ااكله بس ماقدرت 😉 حتى في العيد ابي اعطيه هديته بطريقه حلوه استحيت خطيتها في غرفته وانه طالعه كنت ذاك اليوم في بيتهم واهوه فقير ياني و انه نايمه باسني و عطاني فلوس ( اول واحد يعيد علي ) واحس ساعات اني ماعرف اتصرف مره يود شنطتي و خذتها منه قلت له عيب ماحب احد يفتح شنطتي و اهوه كان بيحط علبه تراجي ذهب بعدين قال لي بس خلاص خذي القوطي مت من الاحراج 😆 🙂 مواقف وايد وايد حتى لين بيبوسني ادير وجهي لو يتمنظر فيني ادور وجهه واقول لا تطالعني هلون بصراحه ماقدر اتحمل نفسي 😐 شنو الحل ساعدوني شلون اتغلب على هالخجل و شلون اتصرف و اخلي حياتنه كلها رومانيبه ومسامحه عالاطاله