عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم حوامل الله يقوم كل حامل بالسلامة وتشوف ضناها وتحضنه بيدينها
ويرزق كل محروم آمين
بما اني بكرية طبعا ما عندي خبرة بالحمل
والشيخ قوقل مو مقصر احوس واقرى وفي اشياء استغرب اقراها يقولون تضر الحامل
واشياء اول مرة اسمع بها ، فمع مر الشهور 😛 تجمعت عندي مجموعه اسئلة
ودي نتشارك فيها واسمع اجاباتكم ، وانا ما سألتها مجرد لقافة لأ هدفي الاساسي
ابغى استفيد يمكن في اغلاط انا اسويها وانا مو حاسه بعمري
ويمكن في اشياء يخوفونه منها وما منها ضررر لاني الصراحه ما احب التشديد والمبالغة
الزايدة ، ما اطول عليكم الاسئلة هي:::::::::
1- تشربين مياه غازية؟
2- تشربين منبهات (شاي، قهوة، كابتشينو…الخ)؟؟؟؟؟
3- تتعطرين؟
4- تحطين مكياج؟
5- تستخدمين غسولات؟
6- هل عندك برنامج ديني تلتزمين فيه(حفظ قرآن، استماع قرآن …..)؟
7- تستخدمين خلطات للبشرة والشعر؟
8- ترقصين وتسوين رياضه؟؟
9- جاك التهابات لا سمح الله , ايش كان سببها؟؟
10- كم وجبه تاكلين باليوم؟
11- لو توحمتي على شي يضر صحتك (بارد، حامض ….الخ) واشتهيته مرة ،
شتسوين؟؟ دايما تصير معاي ➡
12-تاكلين شيبس ، شكولاته ، حلويات ، مصاص ، ايس كريم …. ……؟
13- تاكلين فاست فود؟
14- هل سويتي لك برنامج نفاس ، او بتسوين ، واذا سويتي عطينه نبذة عنه؟؟
15- تلبسين ملابس حمل ، وله ملابس عاديه مقاس كبير، وهل تهتمين بكشختك في البيت؟
16- تلبسين كعب ؟؟
اتوقع يكفي كذا علشان ما تتعبون ما نبي نتعب ظهوركم خخخ ،
اتمنى تتفاعلون معاي لان ما كتبت الاسئلة الا محتاجة اقرى اجابتكم وان شاء الله راح
اجاوب انا معاكم ،،، انتظركم 😳
