اسأل الله العظيم ان ينصرني على من ظلمني

اخواتي والله مو عارفه ايش اكتب وكيف ابدأ ……… اصعب شي ع الانسان لمن يكون مظلوم واهله يجلسو ساكتين عشان الناس ماتتكلم عليهم وبنتهم مو مشكله تتحمل
المشكله تبدأ من تقريبا 6 شهور كنت مملكه وانفصلت من غير مااعرف الاسباب ناس يقولو انه مسحور وكل واحد يجيب عذر انا اخذت الورقه والله العظيم من غير مااعرف السبب الحمد لله انا انسانه جامعيه ومثقفه واخلاقي عاليه بشهادة اللي حولي المهم…..
انخطبت قبل فتره واهلي وافقو وجاء الرجال وحصلت الشوفه والحمدلله استخرت وارتحت والرجال بعد ارتاح وجاب لاهلي حتى جزء من المهر يقول عشان ماتغيرو كلامكم واتفقو على الملكه وكل شي وبعدها بنت من اقاربه وهي مطلقه تقول ليه توافقي عليه مو كويس وتجيب اعذار تافهه قلت لها خلاص انا مرتاحه له وهذي حياتي رجعت امها كلمت ابوي وامي وتسب في الرجال وتقول ابي بنتكم لولدي عاد ولدها اعوذبالله مو كويس لمن شافت ابوي طنشها دقت على اهل العريس وسبت فيني تخيلو وقالت له كلام مو زين عني وعن شرفي اني كنت اطلع مع خطيبي الال وانه نام معي ثلاث ايام طبعا الولد خاف واتصل ابوه على ابوي وقاله ولدي وصله كلام وصار متردد يعني انا اول وحده تملك ومايصير نصيب وش ذنبي ياناس
تخيلي موقفي طيب انا وش ذنبي بس ابكي واهلي يقولو خلاص اذا فيه نصيب بتخذيه وساكتين طيب دافعو عن بنتكم اثبتو عكس الكلام
الله يخليكم انا مظلومه اش اسوي كيف اثبت برائتي وعكس هالاكلام تكفوووووووووون اترجاكم الحين وش العمل خلاص ارفض الولد وتجي مني بس هو زين ومرتاحه له بنفس الوقت مو حابه هو يقول ماابي بنتكم وانا مافيني شي الحمد لله جمال ودراسه واخلاق ليه المشاكل دايم على راسي
اكتب هالسطور ودمعي على خدي الى متى الظلم مايصير يتهموني واظل ساكته واهلي يقولو عادي اللي مايبيك بيعيه طيب اذا جاني غيره بيقولو نفس الكلام اصلا بينشر الكلام بين اقاربنا
يااااااااااااااااااارب انصرني ياحي ياقيوم
تكفون وش اسوي ؟؟؟؟؟ ساعدوني ولو بدعاء بظهر الغيب