عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اخواتي مدري من وين ابدأ موضوعي يمكن شوي جريء بس اتمنى مايحذفونه لأني محتاجه مساعدتكم
مالي احد بعد الله غيركم اشكي له انا ماعندي خوات وأمي مره كبيره واستحي اقولها شي
انا عمري 19 تصدقون لو احلفلكم إني ماعرفت غشاء البكاره إلا وانا بثالث ثانوي ؟؟
لاتستغربون والله العظيم ماأكذب ماعندي خوات وصديقاتي مايتكلمون بهالمواضيع وحتى دروسنا كانت تتكلم عن الدوره وبس ماعمري سمعت غشا وماغشا من وين بعرف حتى بالتلفزيون مايجيبونه
بالصدفه كان عندنا بازار ويبيعون كتب وفيه كتاب عن البنات
جلست اقراه لقيت مكتوب غشاء البكاره ورسمات له قلت وش غشاء وجلسوا يضحكون البنات ويتغامزون لحييت عليهم لين علموني
انصدمت وهم انصدموا وحده بهالعمر وماتعرف شي؟؟
وقالوا مو دايما ندرس بالفقه عن البكر والثيب قلت ايه قالوا وش يعني قلت بكر يعني ماتزوجت قالوا إيه بس سموها بكر لان عندها بكاره وعلموني انه في انواع منه ولازم الوحده تحافظ عليه وبس
اقسم لكم بالله ماكذبت عليكم بشي انا من بعدها حالتي حاله تذكرت يوم كنت صغيره ياما تعرضت لتحرشات من اولاد جيرانا ومن عمال السوبرماركت امي الله يهديها كانت دايما تزييني وتخليني اطلع لوحدي واروح
واجي محد معي والله كانت تقول الاولاد بالحاره كانوا يحبونك مره واحيان يمزحون مع ابوي وياخذوني لما اذكر هالموقف اقول يمكن سوو لي شي
والله اذكر يابنات كنت العب بالشارع وجو عمال نظافه اثنين وجابو
حبل وربطوه بشجره وسوو ملاهي لي ويركبوني يخلوني العب وهم يسولفون وكل مااطيح يجي واحد ويشيلني ويركبني وكان يدخل يده بملابسي الداخليه اقسم بالله اذكر هالموقف للحين وكل ماذكرته ابكي لاني ماذكر وقتها زين هو دخل اصابعه داااخل ولا بس من برا
لما دخلت الجامعه تعرفت على وحده وكانت جريئه وعلمتني بكل شي وعلمتها إني كنت اطيح كثير ومره كنت اتروش وشفت نقط دم بملابسي وكم مره العمال يلمسووني .
ومره قلت لصديقتي انا يوم تجيني الدوره اعزكم الله تنزل قطع لحم كبيره يمكن طول الاصبع قالت هو عادي تنزل قطع صغيره مره لان الغشا مخرم ويسمح بنزول الدوره بس تنزل قطعه كبيره يعني ماعندك غشا؟؟
قلت وش ماعندي غشا؟ قولي غير هالكلام انتي متأكده قالت ايه الغشا معروف انه فيه فتحات صغيييره مره شلون تنزل قطعه كبيره لازم تكشفين على نفسك
قالتلي روحي لدكتوره قلت صعبه ماقدر اهلي مايودوني واذا اصريت اكيد امي بتروح معي وش اقولها
قالت خلاص اجل تقدرين انتي تفحصين نفسك بنفسك رحت جبت مرايه وفحصت شفت فتحه دائريه واول
مره بحياتي اكشف على نفسي يعني مدري هالفتحه من يوم انولدت ولاتوها المهم علمتها قالت اوصفيها وين مكانها قلت تحت شووي يمكن كبر حبـة الزيتونه او اصغر شوي قالت هذي فتحة المهبل بس البنت العذرا تكون الفتحه مسكره بالغشا يعني مقفله ليش انتي مفتوحه تقول انا مافيني غير كذا احس احيان يطلع مني
هوا يعني انا مافيني غشاء؟ ؟؟
غير كذا انا يوم اركز زيييين داخل الفتحه اشوف مثل اللحمه لونها وردي علمت صديقتي تقول هذا يمكن الرحم مدري عنق الرحم
دخلت على النت وقريت ان الغشا يغطي فتحة المهبل وكم مره ارسل للدكتور بالموقع مايرد من رمضان وانا على هالحاله
بنااات الله يخليكم مالي احد غيركم اقسم بالله إني اكتب وانا ضايق صدري وودي اصيح من الهم
انا ماقدر اروح مستشفى الي تقدر تروح تسأل الدكتوره عني تعلمها بقصتي قولوها ليش تطلع قطع كبيره مره والغشا فتحاته صغيره ؟ يعني الحين انا مو عذرا ولا وش قصتي فهموووووني ريحوووني الله يريحم والله
تعبت والله ادعيلها باللي تبي والله يحقق كل امانيها اللي تساعدني لو بمعلومه بسيطه ولا دعوه لاتتركوني وتقرون الموضوع وتطنشوون حطوا نفسكم مكاني لاتنسون من فرج كربت اخيه المسلم فرج الله عليه كربه من كرب يوم القيامه .
