عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بصراحة انا عندي استفسار … وياليت اللي جربت تعطينا خبرتها وتجربتها
اولا بقولكم مشكليتي من سنتين ونص تقريبا سويت ليزر 3 جلسات بالمانع بالخبر وكان المفروض اكثر لكن اخر جلسة وهي الثالثة رقبتي تاثرت وصار فيها بقع وجلست اسبوعين ما اقدر اداوم لين خف اثرها والدكتور لما قلت له قال يمكن ما تحملت القوة اللي حطيتها بالجلسة الخيرة وبكل برود يتكلم المهم قالي اغسلها بصابون دوف وانشفها واحط فازلين لين تخف (( المهم )) انا وقفت الجلسات من عندي
لكن حاليا الشعر صار قاسي واسود وطويل 😀
فابي اسوي شيء يخلصني …. وابي بشرتي تصير صافية
سألت ف كل مكان ما ني عارفة الحل :
اللي سوت ليزر …… هل يحلق المكان بالموس ؟ هل بعد جلسة الليزر تطلعين من العيادة وانتي معك ثلج على وجهك
لان قريت بالنت ان في بنات ما حلقوا لهم قبل الجلسة وبعد الجلسة ما عطوهم ثلج
حسيت ان الجهاز يختلف
السؤال هل تنصحين بالليزر
هل استفتدي منه
كم جلسة سويتي
وين افضل العيادات المجربة بالشرقية
وفي سؤال اخير
هل الليزر افضل او الضوء
موظفة في مركز جولي دام الخبر
قالت لامي ان عندهم اجهزه لازاله الشعر افضل كثيييرمن الليزر وميزتها ان نتيجتها تبان وانها ما تحرق البشرة او تسبب اثر
سويت سيرش بالنت ولقيت هالاجهزة عند مركز جولي دام
جهاز VPL
جهاز VPL
تعتبر أحدث تقنية لإزالة الشعر ( تقنية الضوء النابض ) حيث تعمل هذه التقنية على عدم ظهور الشعر مجددا. تتناسب هذه التقنية مع كل ألوان و أنواع البشرة و أيضا لدى هذا الجهاز القدرة على إزالة الشعر الناعم ( الوبر) و بالتالي الحصول على جسم جميل و ملمس مخملي.
Ellipse Light
الجهاز الاشهر عالميا في ازالة الشعر الدائم بالضوء يمكنك ا لحصول على نتائج مذهلة في ازالة الشعر للوجه و الجسم بدون أي اضرارسلبية وبكل امان فهومناسب لكل انواع البشرات حتى السمراء منها .
اللي جربت تقول لنا ابي نصيحة منكم ؟
هل اللي سو ليزر مثلي تقدر تسوي ضوء بعده والا يضرها ؟
انتظركم
