ازالة الكرش بشي بسيط جدا…عن تجربه شخصيه

السلام عليكم

انا مادريت بصراحه وين اكتب موضوعي قلت يمكن مكانه هنا بس اذا المشرفات شافو ان فيه مكان ثاني انسب ينقلوه….

انا بعد ولادتي زاد وزني عن اول وصارت معظم ملابسي ماتدخل علي بس بعد كم شهر من الولاده بدأ جسمي يتراجع بس بشكل تقريبا بطيء حتى خفت انه مايرجع مثل اول وكانت نفسيتي تعبانه حيل بس الحمد لله تقريبا هو رجع ماعدا بطني صارت فيه كرشه كإني وحده حامل وصرت اتحرج من بعض الملابس اني البسها وتعبت نفسيتي اكثر الى ماكملت السنه والله سخر لي وحده من البنات كانت تدرس معي في المعهد وتسوي ريجيم وتقول ان فيه وحده عجوز نصحتها اذا تبي تروح بطنها انها تشرب كل يوم اول ماتصحى من النوم على الريق ماي دافي وتعصر عليه ليمون وبعد نص ساعه من تشربه ممكن تاكل بس يبغالها النتيجه صبر اشوي يعني شهر شهرين او 3 على حسب….

انا انطبعت في بالي الفكره وقلت بجربها مع اني ماكنت ابدا واثقه من النتيجه بس قلت يالله وش خسرانه ياشيخه جربي (مع اني من النوع الكسول ودايما يقول ولا يطبق بس قويت عزيمتي)

صرت كل يوم اشرب كوب ماي دافي (مو بارد ولا حار)يعني مايل للحراره بس مو يحرق واعصر عليه نص ليمونه وممكن اكل بعد نص ساعه وممكن بعد اكثر من نص ساعه حسب الظروف وقلت بخفف اشوي اكل مع انها ماقالت لازم تخففين اكل ومو معناها اني خففت اكل حرمت نفسي من شي

لأ

بس اكل الى مااشبع مو الى ما يمتلي بطني…يعني الحمد لله ماعانيت وبعد شهر الكرشه اختفت وجسمي رجع مثل اول ورجعت فرحتي فيه…حتى الناس اذا شافوني يقولون لي ولا كأنك جايبه

يالله جربوها وادعو لي….والله يخليكم كل وحده تقرأ موضوعي تصلي على محمد وآل محمد وتقول ماشاء الله لو في خاطرها مو لازم ترد

آسفه طولتها عليكم بس بغيتكم تتحمسون مثل ماتحمست واستفدت…ودي لكم بالفايده لأني ياما استفدت منكم