ازالة اثار الحروق القديمه والندبات مضمووون ان شاءالله ..

انا من النوع اللي دوم تحرق ايديها بالمطبخ صارت ايديني خرايط من كثر الحروق ➡

المهم رحت لدكتور وقلت له ابي حل يخفف الاثار هذي لانها ماتروح وتترك اثار

عطاني كريم وبصراحه ماكنت متأمله خير كثير من وراه لاني ادري المشكله مب سهله بس والله جربته طلع رهيب

الطبيب قال لي لازم استمر عليه 3 شهور وباليوم 3 او اربع مرات وانا صار لي اداوم عليه شهر تقريبا واثار الجروح والندبات صارت خفيفه ولونها فاتح وخفت وايد وبعضها تقشر يعني لو استمريت عليه 3 شهور فعلا راح تختفي قلت افيدكم فيه

الكريم صيني واسمه ميبو Mebo scar lotion وعلبته بيضا وعليها زهور ورديه

وهو كريم اعشاب مكوناته طبيعيه اميه بالميه حتى تحسين هالشي من ريحته ريحته سمسم ومكسرات وهو فعلا فيه زيت السمسم وهو صحيح دهني بس مايوسخ ويروح بسرعه وانا تشجعت الحين صرت احطه كل شويه

الكريم ماينخاف منه لان اللي وصفه لي طبيب ومكوناته طبيعيه خالصه ولو مانفع ماراح يضر وممكن يستعمل كمرطب للبشره الجافه

جربوه وراح تدعون لي بس اهم شي الاستمرار عليه طبعا انا بثالث اسبوع بديت اشوف الاستفاده ومكتوب بالورقه مالته انه يستعمل لازالة اثار الندوب بعد العمليات الجراحيه

شريته من الصيدليه وسعره عندنا في الامارات 45 درهم