عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
يافراشات ابغى منكم نصيحه …
انا من سكان الشرقيه ( فديتها ) وتزوجت وسكنت في الرياض وابعدت عن اهلي وديرتي وكل الي احبه في الشرقيه فقدته واحس اني من يوم ما سكنت في الرياض بالاكتئاب والضيقه ومايمر علي يومين الا اقعد ابكي من كثر الشوق لاهلي ولشرقيه احس ان الحياه مالها طعم وممله مع اني رحت لاماكن حلوه في الرياض بس ماانبسطت فيها و تعرفت على الجيران بس مافيه فايده وبدون مبالغه كل مامر يوم او يومين ابكي واحس اني ندمت اني تزوجت واحد بعيد عن اهلي مع انه طيب معي ومايقصر واهله
طيبين بس انا احب اهلي مووووووووووووووووووت ماتصدقون كيف اتعذب لما اكلم امي بالتليفون واسمع اصوات اخواني وخواتي متجمعين ويضحكون ويسولفون اشتااااااااااااااق لهم بقوه ومااشوفهم الا مره كل شهرين ( والله عذااااااااااااب ) وانا ماعاد اتحمل خلااااااااااااص لدرجة اني صرت افكر بالطلاق وبعدين ارجع لعقلي واقول لازم اصبر واتحمل هذا نصيبي وش اسوي علموني والله اني قاعده ابكي وانا اكتب هالرساله وش اسوي ؟؟؟؟؟؟؟؟؟؟
والي بترد علي بدعي لها في الغيب
وشكرا ……….
