اريد الاستشارة

يابنات اناطفشانة من شي اسمة زوج
ودي ارجع بنت عند اهلي
انا ماتكتبت مشكلتي عشان تقولون لي اصبري وحاولي فيه واكسبيه والله يعينك
انا كتبتها هنا من الضيقة الي في صدري
ولا اقدر اقول لاحد من الي حولي
اول شي زوجي عمره40
وانا23
(كتبت العمر لان احيانا احس انه سبب المشكله واحيانا لا)
ولا احد غضبني ولا شي
بالعكس اهلي كانو معارضين وانا موافقة
كنت احسب الرجاحة العقل عنده.
…..
زوجي يحب اصحابه الا يعشق اصحابه مررره
واذا قلت خلينا نطلع قال والله مافيني حيل خليها يوم ثاني
بس احد من اصحابه يدق ويطلب يقابله
قال ابشر وين القاك؟
واذا بغى ان حنا نطلع يختار اوقات ماهي صاحية
زي يوم يكون عندنا عزيمة في البيت بعد العزيمة اكون مهلوووكه من التعب
يقول يله نطلع
وانا ارفض لان بكون جدا تعبانة
حتى عيد زوجنا
قلتله خلنا ننسى مشاكلنا ونغير جوا
حنا لنا سنة مع بعض وعندنا بنت في الطريق
يقول انا مااحب هالحركات
حتى امه تخاصمه تقول له دايم جبر الخواطر على الله
ودايم تواصي علي
بس انا استحي انا اعلمها
لان مرره علمتها بمشكله صارت لي وياه
قلب الموضوع علي كاني انا المخطيه
بس اهله ماصدقوه لانهم يعرفون قد ايش طيبتي
واذا اهلي يبطلعون مكان ولا بيسافرون الطايف مثلا
مايرضى يخليني اروح معاهم
واذا رضي يكون بعد مشكله
واروح عند اهلي وانا ابكي
بس ما اعلمهم
ويقول عيب المره مع رجلها
وانا واوديك
واخذ منه موعد
وطول الوقت يذكرني بهالموعد
واذا قرب هالموعد يطلع اعذار مالها دااعي
ودي اسانس مع زوجي اطلع انا وياه ننبسط
واذا كلمته بالموضوع يقول انا قلت لا
اقوله ياحبيبي انت تقول لا بس بطريقة غير مباشرة
وهو كان ايام الملكة شخص ثاني
كان يمنيني باشياء تحبها اي بنت عايشة احلام ورديه تتنتظر فارس احلامها
وبعد الزوواج ماصار ولاشي من كان يقول
واذا قلتله وين راح كلامك
يقول كلام جرايد
واذا جلست ابكي من كلامه
قال اعوذ يلاه انتي ليش نكدية كذا
انا كنت امزح
بلاه هاذا مزح
واذا اتفقت معاه على نهايةالاسبوع يوافق بعدين يقول اهلي من زمان ماشفتهم
وللمعلوميه
نظامي معاه دايم كذا
نهاية الاسبوع الاريعاء اروح عند اهلي وهو عنداصحابه
والخميس كلنا نروح عند اهله
والجمعة يروح الحلاق والمغسله عسان ملابس دوامه
ويجي يبى يروووق ع التلفزيون
وباقي ايام الاسبوووع يكون تعبان من دوامه ويبغى الراحة والنوم
ايش اسوي مع شخص مثل كذا
كل همه اصحابه واهله
وانا اخر همة اني انبسط معاه
حتى حفله اسويها في البيت خاصة فيني وفيه مايبغى
خلاص بنفجر
الي عندها علم وحاسه انها تقدر تساعدني تقول