عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته….
كل عام وانتم بخير يارب…
اتمنى اخواتي انو تفسرو ليا هذه الحلم…وجزاكم الله الف خير ..جعله الله في ميزان حسناتكم يارب…
انا حلمت في يوم 10_12_1428هـ في الصباح…حلمت في اول الحلم انو وكان غشاء البكارة عندي انفض وكنت ارى الدم في الحلم اكرمكم الله وانا عارفة انو دم غشاء البكارة وكنت وانا نايمه كني احس بالفعل كانو نزل الدم في الحقيقة وكنت كاني اقول في الحلم لمن اصحى ان شاء الله راح اشوف…وبعدين اشوف انو انا فصلت فستان جدا فخم وكان لونه اصفر وامي الله يحفظها فصلت فستان لونه احمر وكنت كمان اشوف انو خالتي فصلت فستان بس ناسيه او ماشوفت لونه… وبعدين امي اعطتني فلوس كثير ومنها فلوس الفستان وتقلي انتبهى لاتصرفي فلوس الفستان وبعدين روحت اشتريت اشياء كثيرة بهذه الفلوس ولم انتبه انو كمان صرفت فلوس الفستان وبعد مارجعت من الشراء اقل لي امي امي انا نسيت وصرفت فلوس الفستان المهم الا وافتح سحاب الشنطة اللي وراء واقلها خلاص امي لقيت معاي فلوس وكانت بالظبط الفلوس قد سعر الفستان مع العلم انو الشنطة كان لونها بمبي فاتح( وهيا في الحقيقه انا عندي هذه الشنطة بالظبط)…المهم بعدين تسالني خالتي وتقلي كيف لقيتي فلوس الفستان قولتلها انو انا دائما طبعي اسيب فلوس في كذا مكان عشان اذا احتجت حاجة القى فلوس…وبعدين اخرج الفلوس وكانت سبعه مائه ريال سعر الفستان وكانت عبارة عن ورقه ام مئتين وورقة ام خمسه مئه بس الغريب انو كنت اشوف ورقة ام خمسه مئه مو 500لا كنت اشوفها 501 فلمن شوفتها كذا اعطيتها خالي وبقله ليش 501 مو 500 عاد خالي جلس يحسب مافهمت كيف وقالي لا عادي هما حسبو الفواصل وصارت 1 بس عادي هيا 500 المهم بعدين قولت طيب فين الخياط او الخياطة( انا ناسيه )عشان تاخذ فلوسها وفلوس فستان امي اما خالتي كنت بشوف انو خلاص اعطتها الفلوس من قبل …وبعدين (كمان ناسيه انا لبست الفستان في هذا الوقت او قبل)المهم لمن لبست الفستان كان شوي على عريض وقلت لازم تسويه الخياطه…وبعدين روحت قلت لي اخويا الفستان طلع عليا شوي عريض والخياطة مااخذت الفلوس راح قلي خلاص انا اوديك عندها تعطيها فلوسها وتسويلك الفستان بنفس الوقت وتاخذيه وهنا انا كنت مررة مستغربه ردة فعل اخويا (لانو في الحقيقه مايحب يروح ويجي)وبس انتهى الحلم
*اولا هذا اليوم نفس اليوم اللي تولدت فية…
*انا عمري صار 24 مشاء الله
*انا غير متزوجة …والحمد لله على قدر من الالتزام…
*خالتي متزوجة وحامل مشاء الله…والحمد لله كمان على قدر من الالتزام..
*خالي متزوج…
*اخوي غير متزوج…
