عالم البنات النسائي كل ما يخص المرأة العربية من ازياء وجمال والحياة الزوجية والمطبخ
المهنه طالبه جامعيه
وقت الحلم لا اتذكر
الحاله الدينيه متوسطه
حلمت بعد فتره من وفاه جدتي حلم اثار دهشتي سبحان الله
حلمت اني دخلت غرفه المجلس اللي في بيت جدتي وكنت ناسيه شي بداخله وودي اجيبه
لمن دخلت لقيت مجموعه شيوخ لابسين ثياب بيضاء ولحاهم طويله وكانو عاملين مثل الدائره حولين جدتي وجدتي مثل المغمى عليها
فاستغربت في الحلم وسالتهم كيف جايبين جثه جدتي وهي ميته قالولي احنا نقرى عليها وندعو ربنا انه يرجعها لكم كم يوم تشوفونها وتجلسون معاها وبعدين ياخذ روحها
فبعد هذا الحوار خرجت وكنت بعدها ناويه اخرج بعد مادخلت اجيب الشي اللي كنت ناويه اجيبه ولمن رجعت لبيت جدتي لقيتها حيه وخيلاني حولينها وانا مو مصدقه
ورجعت مثل ماكانت قبل وفاتها (للعلم جدتي الله يرحمها كانت مريضه بالفشل الكلوي قبل وفاتها) وكأن احد في الحلم يقولي شوفي جدتك لمن رجعت حيه كيف تتعذب لمن ماتت ارتاحت من العذاب
وخالي حلم في جدتي
انها جالسه على سرير ولابسه ابيض في داخل الكعبه وكانت فرحانه وكانو حولينها بعض من الناس اللي تعزهم وكانو متوفيين ايضا في الواقع
