عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
أخبـآـإركم؟؟
أبي تفسير لحلمي في اسرع وقت ممكن..
الحلم هو:
أننا كنا راكبين مع السواق انا كنت قدام ووراي 2 من اخواتي وصديقتي وبنت عمتي الصغيره عمرهآ سنتين
وللمعلوميه هي البنت الوحيده أخوانها كلهم أولاد..
المهم ان السواق معصب وكان مسرع مره وانا اهاوشه واصرخ عليه وهو إلا الآن مسرع..
المهم انه مر من عند لفه المفروض يدخل منها وبيجيه طريق طويل وبعد هذا الطريق
بتجيه لفه وبيوصلنا لبيتنآ ^ـ*..
لكن المشكله ان السواق مادخل هذي من هذا الطريق مشى قدام هاوشته صرخت عليه
بس قال لي عندي طريق احسن من هذا وبسرعه بنلقى البيت قدامنا..
ودخلنا على طريق عام بعدين راح يمين وشوي إلا السماء كانت تجنن لكن فجئه انقلبت اسود
وامطرت مطر يروع مره قوي مع رعود وهواء يروع..
قمت صرخت على السواق وقلت ماقلت اليوم يقولون بيجي إعصار
المهم ان السواق ارتبك وهو مسرع دخلنا طريق وصار قدامنا وادي ماقدرنا نتفاداه
فلتفت على الي وراي وقلت لصديقتي احضني بنت عمتي (صديقتي ماتشوف إلا بنظارات)
قالت لي : ابي نظارتي ابي اشوف وهي تصرخ قلت لهآ وانا ابتسم : أحسن شي
أنك ماراح تشوفين وش بيصير ..
أخواتي تمسكوآ بصديقتي لأنهآ في وسطهم..
ابتسمت لهم وقلت : استودعكم الله الذي لا تضيع ودائعه..
وطحنا في الوادي وما اصابنا شي غير السواق الي ماعرفنا وش صار له..
هذآ ملخص الحلم انتظر تفسيركم..
لكن للعلم :
البيت الي كنا راجعين له بيتنا القديم واحنا انتقلنا لثاني قبل سنتين ..
والسائق وجهة غريب علي مآ أعرفه يعني مو وجهة سائقنا الحالي..
الحلم له تكمله بسيطه بس احس انها مو مهمه..
انتظركم بلييز لاتتأخرون علي
