عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته ..
اختي المفسره عندي 3 احلام ارجو تفسيرها وفقك الله وجزاك الله خيراً وجعلها الله في ميزان حسناتك
حلمي الاول :
حلمت اني في حي به سور وكانت وحده تلحقني وكنت اهرب منها بعدين لقيت ناس واقفه بشارع بدون سيارات ينتظرون الاشاره تكون خضرا جيت وقفت معهم عشان ماتشوفني الي تلحقني بعدين شافتني وهربت بين مباني عاليه وشفت نهاية السور بوابات ركضت لها ابي اطلع وشافتني متجه للبوابات قالت لولد صغير قل لهم لايطلعونها رحت للبوابه الاولى ورفضو يطلعوني رحت لثانيه وقالي واحد انتي مسحوره خلي الشيخ هذا يقرا عليك قلت لشيخ يقرا علي ورفض يقول انا تعبان صرت اترجاه لين وافق وقرا علي بعدها انفك السحر وخرجت من البوابه لبرا السور وانا مبسوطه وفرحانه مره (وانتهى الحلم) ..
حلمي الثاني :
حلمت ان ولد عمتي جاء يخطبني من ابوي كتب ابوي بورقه (بالقلم الاحمر) اسمه واسمي ووقع ولدعتي على اسمه واسمي انا رحت عند اختي الي اكبر مني وكانت جالسة تكلم تليفون بغرفة امي قلت لها ان ولد عمتي خطبني وانا فرحانه سجدت سجود الشكر وقلت الحمدالله لك يارب والشكر 3 مرات بعدين ناداني ابوي وكان جالس بغرفة الجلوس وعنده امي قال لي ان ولد عمتك خطبك وعطاني نفس الورقه الي عطاه وكاتب تحت الي كتب له اسمه بالازرق وقال اذا موافقه عليه وقعي قلت في نفسي بستنا شوي كاني افكر بس ماقدرت من الفرحه ووقعت على طول (وانتهى الحلم) ..
حلمي الثالث :
حلمت اني امشي بحوش بيتنا انا وحده معي بس ماذكر منهي وكان ولد عمتي جالس وبجنبه احد وكان يقول للي بجنبه هي طيبه واهلها طيبين انا ناظرت فيه وابتسمت ونزلت راسي مستحيه ورحت وطلعت من باب الشارع وكان فيه حريم وبعدين جاء يخطبني من ابوي وقال ابوي لو هي وامها واخوتها ذببيحه ماعشوك من الفرحه سجدت سجود الشكر وقلت الحمدالله لك يارب والشكر وبعدين رحنا للاستراحه وكان يوم ملكتي وكانت امه واخته واهلي جالسين ببيت الشعر وبعدين جت المصوره ورحت للغرفه الي بالستراحه وكانت مساحتها ماتسمح لتصوير ورحنا لبيت الشعر الي جالسين فيه اصور عندهم وكانت حاطه الخلفيه البيضا حقت التصوير بيني وبينهم عشان الصور براحتي وبعدين ناداني ابوي وكان ولد عمتي بجنبه جالس بغرفه في الاستراحه وقفت عندهم وجاء الشيخ الي يملك وكان بيني وبينه ستاره (وانتهى الحلم) ..
الحاله الدينيه : عاديه
الحاله الاجتماعيه: عزباء
المهنه : خريجة ثانوي
