عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله
انا عارفه انى هطول عليكم بس ياريت فعلا تساعدونى انا بحب ابن خالتى من 4 سنين ابتدت الحكايه لما جه من السفر وانا مكنتش شوفته من 11 سنه بس جه صدفه وشافنى صدفه وحبنى وانا كمان حبيته واتقدملى انا وافقت
لكن امى رفضت لانه سعودى وانا مصريه وكمان لان كان فى فروق بينى وبينه كتير اوى انا طالبه جامعيه هو مش مكمل تعليمه وكان بيشرب حشيش ومكنش بيشتغل بس لانى كنت بحبه جدا وقفت قدام العالم كله علشانه واتخطبتله غصب عن اهلى كلهم وهو وعدنى انه هيتغير وهيسافر ويشتغل وفعلا سافر واشتغل
بعد الخطوبه بسنتين فى السنتين دول حصل بينا مشاكل كتير اوى وبعدنا كتير بس سافى واشتغل وفجاه بعد 40 يوم معرفش عنه اى حاجه ولما كنت برن عليه مكنش بيرد لحد مزهقت وبطلت ارن عليه وفى يوم كلمنى وفضل يعتذرلى ويقولى اسباب كير انا كنت متاكده انها كدب فى الاول مقدرتش ارجعله لانه بعد من غير سبب قالى انى لو مرجعتلهوش هيرجع زى الاول
وفعلا بعدها بفتره قصيره عرفت انه نزل مصر وانه رجع زى الاول كلمته فقالى انه مبقاش عاوزنى وانه بيحب بنت تانيه وبيموت فيها وانه ميقدرش يستغنى عنها فى الفتره دى انا اتقدملى ناس كتير اوى لانى من عيله غنيه ومتعلمه تعليم عالى بس انا مقدرتش ورفضت كل اللى كانو بيتقدمولى على امل انه يرجعلى وعرفت انه سافر تانى
ومن هناك كلمنى بس بعد فتره طويله اوى اوى وقالى انه عاوزنى وان مقدرش يحب حد غيرى ههه وانا صدقته تانى ونزل مصر علشان يخطبنى تانى واتصل ومامته اتصلت علشان الخطوبه بس ماما رفضت بشده لكن انا وقفت ادامهاتانى فقالتلى خلاص لو سافر واشتغل واتصلح حاله هوافق وفعلا بعد شهر بس لاقيته بيكلمنى بيقولى انه هيسافر بس فى الشهر ده انا اتعلقت بيه اكتر واكتر قضيت معاه اجمل ايام حياتى
حصلى معاه مواقف تقول انى كل حاجه فى حياته والله العظيم حسيت انى اكتر بنت محظوظه فى الدنيا ان ربنا اداها حد يحبها كده وسافر حبيبى وكلمنى من هناك يومين اشتغل يومين حددى اليوم اللى عوزانى انزل علشان الفرح يومين
وقالى انا اسف انا خطبت ااااااااااااااااااه على اللى حصل وقعت فى الكليه وجالى شلل مؤقت لمده 5 ساعات مبتحركش وتشنجات وحاجات عمرها مكنت اتوققع انها تحصل وكلمنى وقالى ان ابوه خطبله بنت عمه غصب عنه ههههه
وكلمت اخته قالتلى ان هو اللى راح خطب بس قالتلى ان ابوه فعلا قاله انه مش هيخطب من بره السعوديه وعدى اسبوع ونصف ودلوقتى بيكلمنى وبيقولى انه عاوزنى انا بيحبنى انا بيقولى انه وقف ادام ابوه علشانى ومستعد يقف قدام العالم كله انا مش مصدقاه بس لسه بحبه وعوزاه خايفه ارجعله يحصلى نفس اللى حصلى تانى وخايفه مصدقهوش يكون بيتكلم جد المره دى واكون ضيعت حب حياتى اعمل ايه ؟؟؟؟؟؟؟؟؟
