عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يافراشات أنا قريت هالموضوع من موقع وحابة أساعد البنت فأبيكم تساعدوني وتعطوني حلول بأكبر قدر والله يعينا ويعينها …..
مشكلتي ان اتقدملي شاب وكنت موافقة لاكن على اخر لحظة رفضت فكرت الزواج وبعدها ندمت والسبب كان عندي مشاكل وايده . الولد هو أخو صديقتي الروح بالروح وأخوها شاب محترم الكل يمدحه وماعنده سوالف سابقة وانسان يخاف ربة. المشكلة اللحين أني متعلقة فيه وأنا ما أعرفة شخصيا بس أنا أعرف طبعة تقريبا من أخته الي هي صديقتي .الولد بعدها عرف اني كنت موافقة وأنة أنا مريت بظروف خلتني أعرفض فكرت الزواج المهم الولد فكر يخطبني مرثانية بس في شي يعيقه وهو ظروفة المادية المشكلة انه يوم عرف المرة الاولى اني رفضت راح وفص فص فلوسة فالسفرات وأجل سالفة العرس لبعدين والحين هو مطورط المهم الولد وايد يسأل عني عند صديقتيالي هي أخته وعن أخباري ودايما يسأل اذا انخطبت أو لا ووايد مهتم لأمري وأحس أنه يبادلني الشعور نفسه بس المشكلة الحين ظروفة المادية المهم صادف مرتين أنه وصلني الشغل أنا وأختة أكيد كانت معانا في السيارة ووايد كان محترم والمره الثانية لاحظت أثناء وجودي معاهم فالسيارة أنة يحط أغاني يدل فيها أنه يبي القرب. بعد كان وايد يهتم أذا أبي شي بلبيه المهم اللحين أنا تقدملي شباب وايد وأرفضهم وأحس بضيق فضيع فأرفض. بصراحة أنا متعلقة فيه وأبي الستر معاه ودايما أحس بضيق وأحس أنه هو من نصيبي .مرة طرشتله مسج من مبايلي الخاص كان عادي المسج وهو حس أنها أنا وثاني يوم رد علي وكان دايما يسأل عن أخباري عند صديقتي وبعد مرور شهر طرشتله مسج بعد كان عادي ورد علي بمسج معناه أنه يبي القرب بس في مشكلة تواجهه وأنا اللحين ماأعرف أنا ما أبي تنشأ علاقة بينا في التليفون ومابي المسجات المتبادلة تكثر لأن أنا مب من هالنوع من البنات وهو بعد مب جي شو أسوي أنتظره لين ماالله يفتح عليه ويرزقه أو أنساه وأخليها على الله بس أنا وايد متعلقه فيه والله تعبت أنا دايما أدعيله أنه الله يرزقه بس أنا الحين وايد تعبانه أرجوكم ساعدوني شو الحل … الولد يكبرني 6سنين وأرجوكم أدعولي ان الله يحل يرزقة قريب ويكون الزوج المناسب لي ولي الله كاتب لي الستر والسعادة معاة وجزاكم الله كل خير.
منقووووووووووووووووووووووووووووووووووووووووووول
يافراشات فديتكم أبي رايكم فحالت البنت وشو تنصحونها وحد مر فتجربتها والله يجزيكم الجنة
