ادخلي حبيبتي تسعدك بحياتك اكتر-من دعا لأخيه بظهر الغيب قال الملك الموكل ولك بمثل-

السلام عليكم ——قبل سنين كتبت موضوع بقسم الحمل وطلبت دعواتكم اني احمل –الحمد لله بعد فترة بفضل ربي حملت -يمكن وحدة منكم دعتلي وربي استجاب دعوتها ورزقها زي ما رزقني-ما ادري
اليوم طالبة دعوتكم الله يجمعني بكل من دعا ليه بالجنة امين يارب
(ادعولي ربي يحنن قلب زوجي ليه ويحبني ويحس اني زوجته ويعاملني بحب ويقولي كلام حلو ويبعد عننا الحساد اللي بيخربو حياتي ويسمع كلامي)
والله بكتب ودمعتي بعيني وكل اللي حقولو واقع اتحملته سنين- اللي فاضية ورايقة تقرى باكتب كلام طويل وافضفض يمكن ارتاح
لا تقولو استغفري –اقري سورة البقرة –ادعي جربت دا كلو واكتر
احكيلكم قصتي من البداية بعد زواج اختي اللي اكبر مني انخطبت اتذكر جات من بيتها وهي حامل لسة ما كملت سنة على زواجها -سبحان الله تم كل شي بسرعة اسبوع ورا اسبوع اهلو شافوني بعدها شافني بعدها تحليل !ملكة !شبكة الحمد لله بعدها بشهووور الزواج والله رضيت بيه وسمعت اني راتبو الف ريال مررة ما فكرت بالفلوس-على فكرة مو اول واحد يتقدملي اتقدملي قبلو كتير بس ماحصل نصيب وفي اللي انا رفضتهم والله بعضهم كانو احس منو بس الحمد لله دا نصيبي احس اني اتزوجتو عشان ما استخرت ماكنت اقدر اصلي وصار كل شي بسرعة بس دعيت اكتر من مرة بس على كل اللي اتقدمولي صليت واستخرت وماصار نصيب سبحان الله ربي اذا طلبتيه يبعد عنك الشر يبعده بقدرته
وكان موظف عند احد اقربائه وظيفة عادية جدا حتى الي موظف عندهم بيتحكمو فيه مايقدر يقول لهم شي وبنت الرجال اللي زوجي شغال عندو عينها على زوجي ماتستحي اكتر من حركة شفتها وطنشت ادعو ان ربي يريحني اناوزوجي منهم ويلقى شغل احسن من كده
شغلو اللي سبب لنا الكتير من المشاكل شغله بجدة كان يطلع الصبح الساعة 8 الا ربع يجهز ويروح الدوام عشر دقايق وصل يجي الظهر من 12للساعة 2 يتغدى يرتاح يرجع نفس الدوام دوام تاني ويرجع العشا نتعشى عشا خفيف عشان الطبخ الدسم كان بالظهر كنا نطلع نقضي للبيت نطلع السوق عشان الخميس لازم نجي مكة نزور اهلنا والجمعة نجلس سوا نطلع نتغدى نروح البحر مو دايم بس احس كانت حياة حللووة جداا بالنسبة لحياتي دحين
مع انو كانت تصير اشياء دحين مرتاحة منها وكانت تصير مشاكل كتير بس مو زي دحين عشان دحين انا ساكنة بعمارة اهلو نقلنا من جدة الحلوة واللة مارضيت غصبا عني ايش اسوي زوجي ضحيت وجيت عشانو بس والله ما اتوقعت يصير كدة وتصير كدة حياتي صرت اتخيل المشاكل اللي كانت هناك اهون بكتير من هنا والله تعبت المصيبة لمن اشكيلو واتفاهم معاه علطول ابكي مااقدر امسك نفسي من الظلم اللي باحسو والله مايمسح دمعتي يحسبني بامثل عليه يقول دموع تماسيح
ابدأ بالمشاكل اللي صارت ببداية زواجي اتخيلو اتزوجت قبل رمضان باسبوعين ماسافرنا شهر عسل سكت ماقلت شي بعد الزواج لازم نزور اهلي واهلو اتخيلو اول اسبوع اختو تجي عندي البيت وتشوف المطبخ مكركب والملابس بالمنشرة جات فجأة كنا بمكة وتبى تجي معانا جدة وانا ماحطيت ببالي احد يجيني والله عرووووووسة ياناس سكت ما قلت شي يمكن عادي وطبعا تمر الاسبوعين ويجي رمضان اتخيلو ايش صار اهلو وخالتو يجو يفطرو عندي ويمكن اتسحرو كمان بس ما اتذكر باتو عندي يومها عشان كل مرة كانو يجوني فيها كانو يباتو اتخيلو سابو البزورة عندي وراحو السوق وزوجي وداهم طبعا دي اول زيارة عشان السووق -نسيت اقولكم اخوه اللي اصغر منو اتزوج معانا نفس اليوم جاو عندي وسلفتي ماطبو بيتها ليشش هية عروووووسة وانا لأ -المهم كل اجازةة كل مناسبة او اذا يزورو احد بجدة او سوق ينطوو عندي ويباتو اتخيلوو اسبوع اسبوعين وانا لازم اصحى بدري اطبخ عمري ماطبخت ببيت اهلي كميات كبيرة كدة ماما كانت تطبخ اذا سويت اسوي صنف واحد بس اسوي حلا احيان اما اتخيلو شكلي وانا اطبخ كمية كبيرة لعائلة كبيرة واصناف والله تعب اتخيلو الله يعطيكي العافية ماكان يقولي شكرا مافيه كيف انسى تعبي ويوميا كان لمن يرجع ياخدهم السوق ومايشتكي والله مايقدر يرفع صوتو عليهم يتعب يستناهم بس ماكان يقول اتخيلو كان يطلع حرتو فية انا قدامهم اتخيلو يعصب عليه الين دحين مابطل دي العادة احس انو يهينني قدامهم كيف حيحترموني ويشوفو اخوهم كدة يعاملني-اتخيلو انا لمن ياخدني السوق معصب زعلان يالله يالله بسرعة وهم يمشي معاهم ساكت الين يخلصو يودي امو اخواتو واختو المتزوجة وخالتو ليه فين ازواجهم
لاتنسو انو دوامين والفترة اللي يجلس فيها بالبيت قليلة ساعتين ويغلبو النوم دوامو بالصبح
تلات سنين على دا الحال واكتر الين ابوه بنى بيت ببحرة تلات ادوار وقالو اتنين من اخوانو حيسكنو وايش كان يقولي احسن خلينا نحن بعيدين الله يستر عالمشاكل اللي حتصير بين اولادهم وبينهم
سبحان الله اخوه بطل يجي مايقدر يتسلف عشان يبني الدور اتخيلو وقتها فكرو ان زوجي يجي يسكن عارضت وقلتلو نسيت ايش قلتلي وزعلت وصارت مشاكل ومايقدر يقولهم لا اتذكر بسب دي المشكلة فكرنا بالطلاق واتزاعلنا ومد يدو عليه كيف ما اطلب الطلاق وكانو كل شوية يتصلو ويقنعوه الين اتسلف وبدا يبني قالي سنة ونشتري ارض ونبني بيتنا ضحك علية باكمل سنتين هنا ما شفت لا ارض له ولا بيت لسة بسدد ديونه حقت البناء لهذا الدور نقلت —-اه ياليتني مانقلت 😆 🙂
اتخيلو ولا وحدة من اخواتو طلعت تساعدني انا اللي كنت زي صاحبتهم انا اللي نمت معاهم بغرفة وحدة وياما مشيتهم معاياحتى المتزوجة لمن كانت تجي اللي كنا ناخدها السوق كل سنة كانت لمن تجي ما تطلع عارفة ان في شغل جلست شهور ارتب البيت لوحدي وبعد شهور طلعو ويقولو لسة ما رتبتي بيتك بس ماقالو يالله نرتب اللي ما رتبتيه ويدرو ماعندي شغالة ومحد جا ساعدني
عديتها سكنا وبدأت المشاكل الاكبر اتخيلو يطلع زوجي الصبح ويرجع الليل البيت 14 ساعة برة البيت طول اليوم لوحدي مايقدر يجي الظهر مشوار يصحى6 ونص يطلع7 الا ربع الطريق ياخد منو ساعة يداوم للمغرب مع الطريق يصير عشاء يجلس ساعة تحت عند اهلو احيان اكتر يطلع يتعشى وينام مايجلس معايا مايكلمني
مانقدر نطلع وفترة كان يوديهم البقالة وانا حتى البقالة مايطلعني اذا احتجت شي استنى لليوم التاني عشان بيتنا بخلا ومافي شي قريب مني دوبهم بدأو يخططو للشوارع المهم كنت استنى الين يجي يوم الجمعة وقلتلو لازم تقعد معايا دا اليوم نطلع كفاية طول الاسبوع ما اشوفك وصرنا نطلع واذا فكرت ازور اهلي الخميس وهوه يروح لاصحابو احيان الجمعة اخدو نتغدى عند اهلي كل مانجي نطلع القاهم عند الباب فييييييين رايحييييين ليييييش متى تجو تحقيق ولمن انزل لهم انتي تطلعي كل اسبوع الين صرنا حتى دا اليوم مانطلع مو كفاية لازم يستأذنهم قبل مانطلع عشان مايزعلو ويحققو معاه وهم من سكنا هنا عمرهم ماقالولي انهم طالعين انا اذا ماقلت يزعلو وهم اكتر مني يطلعو عمري ماحاسبتهم انا يحاسبوني حتى الاغراض لازم يشوفوها وليش يجبلك اغراض كل يوم بكل شي مرررة ماعندي خصوصية حتى لمن نتخاصم يسمعونا ياما صارت مشاكل كتيييييييييير هنا لدرجة انو مرة ضربني وكان حيطلعني بقميص نومي برة البيت انا اللي مايرضى اني انزل تحت لاهلو بدون عباية وسلفتي نازلة طالعة بلبسها وكلهم شافوها حتى زوجي شافها وولدي يوميا كنت انزلو وفترة انقطعت مانزلتو مايهتمو فيه لدرجة انو مرة بلع توم وعمره سنة وكم شهر يحكوني وهم يضحكو ماخافو يصرلو شي ولمن يوسخ وانتو بكرامة يطلعوه جاو خالاتي يزوروني عشان ولدت تشكيلهم انا مرة ما انزلو وولد سلفتي علطوول عندها شوفو الكذب لو تدرو سلفتي كيف عايشة عشان ترتاح منهم طوول الاسبوع عند امها مع زوجها خصوصا ايام اجازتو عشان تطلع براحتها وتجلس ببيتها يومين تلات بس طبعا دوام زوجها 8 ساعات واجازة بالايام مايفكروو ويشوفو انا يوم واحد مايخلوني اتهنى فيه ولسة مشاكل كتير بتصير لدرجة نفكر بالطلاق نفسي ارتاح بحياتي وانا دحين بمشكلة واول مرة زوجي ماينام بالغرفة دايما نتمشكل بس دي المرة له ايام نايم بالصالة ترى هوه من النوع اللي مايتفاهم انا اللي دايم احاول احل المشاكل اتخيلو من يومو حتى كلام حلو مايسمعني وانا كل شي اسويلو مافي شي بالدنيا ماسويتلو حتى لمن اشترى السيارة بعت من ذهبي واعطيتو اتخيلو كيف كافئني لمن اشترى السيارة ركب اهلو كلهم اتخيلو طلعو كلهم ركبو بسرعة بدون عباية عشان ما الحق انزل اركب قبلهم وان ولا كاني موجودة كأنو مو سيارة زوجي نسيو قد ايش كنا ناخدهم ونميشهم بسيارتنا القديمة الين خربت كل سنة ياخذ اجازة ويمشيهم وانا مايفكر انو ماأخدني شهر عسل ولا مرة اخد اجازة عشان يمشيني بعد اربعة سنين اخد اجازة اسبوع ورحنا اامدينة يوم وينبع والباحة مع حوسة اولادي ورجعنا ما ارتحنا وكل شوية يتصلو فينكم ماكملت الاسبوع وهم كان ياخد لهم اسبوعين رجعت وسمعت كلام وصارت مشاكل واتفقنا عالطلاق ومن ايام بعيدين عن بعض قلي يالله فارقيني واعترف انو يسوي فيني كدة عشان يكرهني قلتلو اذا رحت معد ابى ارجع مايبى يطلق يبغاني اتنازل عن اولادي مستحيل انا اللي ربيتهم وطول اليوم معايا هوه مايشوفوه الا ساعة واحيان يكونو نايمين لمن يجي طول اليوم برى البيت كأني مو متزوجة
والله طفشت من حياتي المصيبة انو مايتفاهم ولا يبى يحل مشاكلنا احس انو يشجع اهلو عللي يسووه اذا يوقفهم عند حدهم يسيبونا بحالنا وارتاح -اصلا بابا شرط بعقد النكاح شرط وحيد وهوة سكن مستقل لية
حتى دا الشرط مو هامو وما يبى يدورلي بيت نسكن فيه قريب من دوامو كيف حارتاح مدري 😀
ياااااااااااااارب ساعدني وصبرررررررررررررررررررررني واسعدني وانتقملي من اعدائي يارب –