ادخلوا ادعولي وشوفوا اخباري

السلام عليكم ورحمه الله وبركاته
ازيكم عاملين ايه انا بقالي كتير بحاول ادخل ع المنتدى عشان اشارك معاكم بس للاسف كان في مشكله في الصفحه مابتتغيرشي بس دلوقتي الحمد لله رجعت
المهم انا كنت على طول بدعيلكم في صلاتي وفي قيام الليل انه يرزق كل اخواتي في المنتدى بالحمل السليم المعافي
اما انا فعندي اخبار عجيبه وغريبه جدا بس بقول الحمد لله وباذن الله ربنا هيكرمنا كلنا بالحمل السليم انشاء الله عن قريب مع دخول شهر رمضان نكون كلنا حوامل
اما حكايتي بقى انه قررت اني اعمل الحقن المجهري الشهر الي فات وكنت عامله قبل كده تحليل انتي مولريان عشان يشوفه فيه مخزون كافي ولا لا من البويضات ولقوا الهرمون نازل والمخزون قليل وعملت كمان تحليل fsh وكان 15 وانصدمت بس قلت خير انشاء الله واخدت حقن تحت الجلد الي هيا ديكابتيل كل يوم من اول يوم للدوره لحد اليوم 13واخدت حقن ميريونال 6 في اليوم لمده 11 يوم والنتيجه هما بويضتين بس وقلنا ماشي ممكن ربنا يطرح فيهم البركه ورحت اعمل سحب للبويضات ولقوا واحده بايظه وواحده حطوها في الحضانه لمده 24 ساعه بس للاسف طلعت بايظه هيا كمان الحمد لله والعمليه اتكنسلت وهنبدا الشهر ده انشاء الله وربنا يكرمنا جميعا يارب على فكره عمليه السحب اتكلفت 2500 ده غير العلاج اتكلف اكتر من 2500 ده غير السونار الحمد لله
انا عايزه منكم تدعولي ان ربنا يكرمني يارب بالحمل الشهر ده وانا كمان ادعيلكم
يامفرج الكروب فرج كربي وكرب كل اخواتي في المنتدى اللهم امين