عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلااااااااااام كيفكم بنات …؟؟
بقولكم السالفه اخو زوجي جى سافر من عند اهله وجى عندنا عشان يقدم على وظيفه هو توه خلص ثانوي
المهم جى ونام عندنا بالمجلس وحنا متعودين دايم اهل زوجي لما يجونا يسكنون عندنا ,,,
المهم هو نام اول يوم وثاني يوم راح وقدم وجى الظهر .. انا سويت نسكافيه وحلى وحطيته عند باب المجلس ودقيته ورحت … فتح الباب واخذه … وجى زوجي وحطيت لهم الغدا سويت كبسه حطيت لهم 3 ارباع دجاجه مع رز وحطيت فوقها فلفل اخضر وبندورة وبطاطس مقلي وحركات لان ماكان عندي لا ايدامات ولا سلطات … جى زوجي اخذ الغدا وقال بس هذا الغدا .. قلت ايه وش اسوي ما عندنا ايدامات ولا سلطات ,,,
المهم تغدوا ورجعوا الصحن نظيييييف خخخخ اكلوه كله … وجى زوجي وقال احس الاكل كان قليل ( للمعلوميه زوجي واهله اكلهم قليل مررررررررررره لقمتين ويشبعوا بس زوجي يبي يدقني بالكلام مدري وش قصده 🙁
وبعده سويت لهم شاي وبعده قهوى وحلى والعشا مكرونه ودجاج ..
المهم ثاني يوم قال انا بجيب غدا …. 😈 دقه فيني
واخو زوجي نايم بالمجلس ماطلع الصباح لانه قدم وخلاص .. المهم انا مو عارفه ايش اسوي وهل هو صاحي ولا نايم مدري كيف احط له اكل … المهم هو صلاه الظهر قام وراح صلى…. انا حطيت نسكافيه ومعمول بالمجلس ودخلت….
المهم جى زوجي الظهر … ودخل المجلس لقى اخوه نايم … قلت له عادي صحيه عشان يتغدى … قال زوجي شكله نايم وهوجيعاااااان 😆 🙄 😛 …. طيب انا وش اسوي يعني ادق عليه الصبح اصحيه يفطر ولا ايش ؟؟ 😡
الزبده زوجي قاااااااااااهرني محسسني اني مقصره من ناحيه الاكل مرررره:P
( وفيه شي ثاني انا استغرب اهل زوجي كيف عادي اخو زوجي ينام عندنا بالبيت وزوجي يطلع الصبح ويظل اخوه معاي بالبيت لحالنا صح احنا ما نكشف على بعض … بس والله ما اعجبتني حركه انه ينام عندنا ..ولا كمان بيتنا قسم الرجال مفصول عن الداخلي بس بستاره والشقه مدخل واحد تصميم الشقه مره غبي؟؟؟
سؤؤؤؤؤؤالي هل انا غلطانه ؟؟؟ والله من امس حاسه بقهر …شوروا علي ؟؟؟؟
