عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا اخواتي
انا مادري منين ابدا لكن أسأل الله العظيم رب العرش العظيم ان كانه خير لنا ان يوفقنا للحل هنا
انا توني متزوجه وزوجي على قده لو بيدي كان ماقصرت
ومالنا احد لنا اهل خوال وجماعه لكن مافيه منهم واحد يحس او ينفع كلن نفسي نفسي اخوهم اللي هو ابوي مافكروا يساعدونه
وكلهم قادرين ماشاء الله زوجوا عياله وسكنوهم الله يهنيهم
واخوي مسكين متحسر وقلبه متقطع يبي الستر بس ما عنده دخل يعينه كان من قبل لا يتوظف وهو يقول زوجوني ترك الدراسه وتوظف يبي الستر وتعرفون الرجال اذا طلب الزواج
ولكن ما ربي قسمله الا وظيفه على قده والراتب على قد شهادته متوسط بس ماكمل الثانوي
وراتبه مايتعدى 2000 ريال بس
مايقدر يجمع مهر ولا اثاث ولا شبكه ولا سكن ومصرف وايجار بيقعد يحفر طول عمره ماجمع شي يسوى
حتى سياره مامعه
امي متوفيه وابوي عاطل وماعنده دخل ثابت يالله حده اللي يجيه يوكل اهلي ويوفر طلباتهم اليوميه ومصاريف المدارس
امس جالس يفضفض لي يقول والله لو اعرف احد بيساعدني ويزوجني لادخل عليه انا ابي الستر والاستقرار متمرمط وحالته حاله غير المشاكل في ماودي اتعمق خلوها على الله
كل اللي كبره واصغر منه تزوجوا وعندهم عيال اخوي 26 بس من صغره طالب الزواج وانا مابيدي حيله وما اعرف احد يساعد
سمعت ان في بعض اهل الخير يساعدون للزواج ويتكفلون بتجهيزاته عشان الاجر لكن وين نوصلهم او نعرفهم بالرياض
ومشروع بن باز الله يرحمه يبليه اوراق وعقد ملاك وهو حتى حق الشبكه لو يبي يشبك مامعه
حتى هو يبي بنت تبي الستر اي بنت تتحمل ظروفه وتعوضه عن قهره وحرمانه
انتم شورو علي دلوني انا صغيره وما اعرف شي وضايق صدري عليه
الله يفرجها علينا وعلى كل مسلم
تعديل على الموضوع
البنات اللي قالوا يشتغل وظيفه ثانيه مايقدر كل يومه يكرف دوامه فترتين من الصبح للساعه 12 ونص يجي يريح ويتغدا ويرجع الساعه 3 ونص الى 8 بعد العشاء يجي منهد مافيه مجال حتى الوظيفه هذي يالله لقاها بالحسره والمرمطه ومتحمل طول اليوم بالعمل
واللي قالوا دوري له موظفه هو يقول بتكون كبيره علي ولا تتكبر علي ابي وحده على قدي وتتحمل مو مشكله بالبنت بنلقى على قولتكم بنات يبون الستر المشكله ماقبل الزواج المهر والتجهيز منين حتى سياره مامعه
الله يفرج همنا وهمك اجمعين ماقصرتو ا
