اخوي داخل على الشغاله

بس حبيت استشيركم وش اسوي .. احس ضاقت بي الدنيا

جيرانا مسافرين وحاطين شغالتهم عندنا وامي خايفه من اخوي

لايسوي شي فقالت لي نومي عندها المهم نمت معاها بالغرفه

الساعه 6 الصباح الساعه 9 صحيت انا شفت احد كانه يتخيل لي

يطلع من الغرفه بسرعه المهم سميت ونمت مرة ثانيه الساعه

9 ونص صحيت كنت معطيه الباب ظهري وبعد ماصحيت ع بال

مانقلب ع الجهه الثانيه حصلت اخوي طالع بسرعه يركض ع الباب

انا جاني خفقان واسودت الدنيا بوجهي وشفت الشغاله صاحيه وجاتني ام الركب

ماقدرت اقوم بس سكرت عيوني بخفيف وهو كل شوي يطل براسه مع الباب

يشوفني صاحيه ولا لا .. المهم الشغاله صحت وطلعت انا ماقدرت ارجع انام

بس جالسه افكر ومادريت الا واسمع صوت صراخ انا قمت بسرعه والا الشغاله تقوله انت

ايش في مجنون ( هو كان يبيها تجي بغرفته ) بعد ماشافني جايه هو ع طول راح طلع

……. عاد والله مدري اقول لامي ولا مابي اضيق صدرها الي فيها مكفيها من الهم

ومابي اسكت اخاف يصير شي بهالفترة لانهم شكلهم مطولين بسفرهم ..

ومن بعد هالسالفه اليوم وهو بس متنرفز مني مع اني ماكلمته ولا شي بس يهزئني ويتهاوش معاي

شافني ع النت هاوشني وشافني اكلم بالجوال مع اني كنت جنبه هاوشني قال احنا عطيناك وجه

بقوة وانتي بس تتمادين بكله بس يهزئ فيني وانا ساكته كل هذا لاني كنت بوجهه اليوم ..

الله يهديه يارب ولا ياخذه ونستريح منه ماغير مأذينا

بحياتنا بس عايشين معاه برعب ..

تكفون ادعوا ان الله يفرجها علينا منه وقولوا لي

وش اسوي اقول لامي ولا لا عنه