اخــوي كفخني وقلب البيت حريقه علينا اكررررررررررررررره الرجااال اكرهم

بنات صارت مشكله بيني وبين اخوي على سبب تااااااااافهه جدا جدا والله استحي اقوله

تخيلوا على مباراه لانه يشجع فريق وانا مااحب ذا الفريق خلا كل اخواتي يشجعونه غصب عنهم

مع انه ذا الشي مو من اهتماماتنا ابدا قلنا اوكي عادي ويوم خسر فريقه قمت ضحكت في نفسي

وشاف علامات الضحك على وجهي وقال تتمصخرين ومدري وشو اصلا انتي تحبين الانديه الي فيها

شباب حلوين لانك وصخه ومدري وشو هو صار كلام كثييير وانا دافعت عن نفسي لاول مره ولاني

تكلمت بوجه قام قالي انطمي ولا اخليك تتفلين دم قلت له خاف ربك عشاني بنت قال لا لانك حيوانه

وحقيره وتردين على الرجال الي هو اكبر منك تخيلوا وقام ضربني وكفخنـــي ورفس فيني بكل قوته وانا

جسمي نحيف ومااقوى المضاربه حسبي الله ونعم الوكيل والله يابنات كان في تحفه على المدخل حق

البيت رماها علي وانكسرت على رجلي ونزل دم هو مررررره عصبي وماحد يرد عليه بس هذه المره

رديت عليه قلت بوقفه عند حده احس مخلينا مثل العبيد عنده هو مو سيء مره يعني فيها اشياء حلوه

يخاف علينا واحيان يضحك معنا ويلعب بس مدري شلون احسه كل سنه يزيد جبروت ويقسى قلبه

علينا اكثر واحسه يبي يسيطر علينا باي طريقه وامي وابوي مخلين له مجال لانه اكبر واحد ووحيد

عائلتنا وحنا 8 بنات عندي اخت اكبر مني بس في حالها ودايم تطيعه انا ماسكت له واخذت على

راسي … ولمن كان يضربني امي بس كانت تصارخ و تقوله

فكها تراها بنت خبله تخيلو وبالقووه فكيت نفسي منه بعد

ماتجعموا خواتي واخذولهم كم ضربه منه هم كمان كسروا

خاطري والله حسبي الله ونعم الوكيل وكان ابوي مسافر

وقتها ولمن جا بعدها بيومين علمناه وقد بردت

السالفه وقام يهاوشني انا يقولي انتي السبب تتردين على

رجال مع انه الفرق بيني وبينه مو كثير

والله كرهت كلللل الرجال حتى لي مواااقف كثيير من تسلطهم علينا انا واخواتي 😳

والحين اانا واخوي مانكلم بعض ودايم يتعمد يصارخ علي ويهيني قدام اخواتي وعماتي 👿 وانا ماقدر

ارد عليه ..وش اسوي يابنات داااايم يحتقرني ويقلل من قيمتي بالذات عقب ذا الموقف صار يقولي كلام

زي السم وهو شاطر في التطنز بالناس والمصخره وانا ردي عليه يكون محترم يعني ماقد سبيته ولا

هنته دايم يكون كلامي منطقي واحترمه بس هو رافض انه

بنت تترادد معه ينتقص من قيمه الانثى دااايم ويسوي فيها

رجال على روسنا ➡